Masalimo 81:3 - Mawu a Mulluku

³ Ipani nipallapata va wooneya wa mweeri, wooneya wamututha va nllapo na ehakallallo.

Masalimo 81:3 Iomraidhean Croise

2 Mamwene 4:23

Nave mamunooyo aamukoha wi, “Kaambiiwa tini ollello munayeenyu wa olliye? Ollellothi khe nllapo na Ehakallallo ya Wooneya wa Mweeri apaalle nllapo na Sabata.” Mutthiyanooyo ahaakhulla wi, “Khaviri yookatamiha.”

1 Epilli 15:16

Vatulli viwa Davide ahaalamulattho oohoollella a Alevi wi yaatthoolle amodda mwa abaliiwa wi yiipeke ni murimiiwa muttheene voopharihani mutteko azeze, magitala ni mapallapata wi mawu eehakallallo yiiweyeke phaama.

1 Epilli 15:19

Athu awiipa, Hemani, Asafu ni Etani sika yiipa misangwa ddamukuwa.

1 Epilli 15:24

Allupa mukutho, Shebaniya, Yoshafati, Natanele, Amasai, Zekariya, Benaya ni Eliyezere sika yaphwanella wiipa mapallapata vahoollo va nibokosi na echipangano na Mulluku. Obedi Edomu ni Yehiya alliwa yaarittho alonda a nibokosinno.

1 Epilli 16:42

Hemani ni Yedutuni yahoollella wiipa misangwa, mapallapata ni ezida ddimodda navettho ezida ddimodda ddawiipella machipo oollapella. Anamwani a Yedutuni yaahiyalle wi ekhalle alonda a va mullako.

1 Epilli 16:6

Benaya ni Yehaziyele, allupa mukutho sika yaari awiipa mapallapata o nibokosi neechipangano na Apwiya.

1 Epilli 25:1

Vano Davide ni oohoollella oorumeyella yahaapatulattho athu amodda oorumeyella mwa anamwani amodda a Asafu, a Hemani ni a Yedutuni ayo yallotella vawiipani machipo voopharihani mutteko ezida dduullupalli ni dding'onong'ono. Nna sika ntthopoollo na manddina a ayo yapharille mutteko ni mitteko ddiwa.

2 Epilli 13:12

Vano ngoonani! Mulluku ari ni hiyaano nave allupa mukuthwaaye eri vaava ni mapallapatiiwa, aakhozeka wi ewiipe oniithana wi niwane ekhoto ni nyuwaano. Nyu Aisraele, muhillipane ni Apwiya Mulluku a makhollwaanyu vawi khamupambana.”

2 Epilli 13:14

Ayuda erukunuwalle, yahoona ekhoto muhoollo ni mutulli mwiwa vano yaakhuwella wa Apwiya nave allupa mukutho yahiipa mapallapatiiwa.

2 Epilli 2:4

Kinapaalla wi kaamakelle enyumba Apwiya Mullukwaaka. Wenko moohihiyerera kineerekovelleella wa alliwa lubani* na nthuko naphaama, buledi oopatuleya ni mikutho ddooshellelliha ohinase ni misikuwa, va masabata, va mallapo a Ehakallallo ya Wooneya wa Mweeri ni mallapo mamodda aweella voothwarani malamulo a Israele wa enthawi yoohimalla.

2 Epilli 5:12

Nave Alevi attheene awiipa machipo monga Asafu, Hemani ni Yedutuni, aniiwa ni abaliiwa oowara ekuwo ddabafuta aphaama eri ni misangwa, azeze ni magitala, yahiimella o embali ya wookhuma nndduwa wa nikuwa ni allupa mukutho 120 ayo yiipa mapallapata.

2 Epilli 8:13

monga mikutho dda nllapo ni nllapo navettho mikutho ddimodda moollikana ni malamulo a Mose monga dda masabata, dda Ehakallallo ya Wooneya wa Mweeri, dda mallapo mararu a ehakallallo a muyakha ni muyakha, dda Ehakallallo ya Buledi Oohikhalla ni Yisiti, dda Ehakallallo ya Milungu ni dda Ehakallallo ya Misasa.

Masalimo 149:3

Etitimihe nnddina niwa vawiinani, ewiipelle nchipo nooriya ni ekoma owaaka azeze.

Masalimo 33:2

Athokozeni Apwiya ni gitala, wiipelleni nchipo ni echida ya enthambo khumi.

Masalimo 98:6

Khuwani vamiitthoni va mwene Apwiya, wiipelleni moollipihella ni mapallapata.

Maliro 2:6

Aapwanyulla enyumbiiwa wonanko musasa, Apwiya aamalliha o Ziyoni mallapo a ehakallallo ni a Sabata. Nave eshille murima wunchichi, aamuvevulla mwene ni allupa mukutho.

Nahumu 1:15

Ngoona, omwaangoni onawa oollalleya othenga waphaama, anatthopoolla dda murendelle. Nyu a o Yuda musungeke mallapo eehakallallo, mweereke nnddo mwallupenlleenyu. Oonanara khewa yuuhellakanittho ekhoto vawi eneerotthollosiwa.

Numeri 15:3

mwavelleelleke wa Apwiya mukutho wa eng'ombe, enkhosa apaalle epuri, wawoosiwa viikho apaalle wooshellelliha apaalle woollupella apaalle wa opaalla wanyu va enthawi ya ehakallallo ddootthoolliwa wi ddikhalle mukutho wa nthuko nawaaddivella Apwiya.

Numeri 28:11

“Va nllapo nawaamba na orive mweeri, muvelleelleke wa Apwiya mukutho wooshellelliha. Mukuthooyo okhalleke wa anankhoro a asaanaang'ombe eelli, nankhoro a enkhosa emodda ni anankhoro a asaanaankhosa atthanu ni eelli a muyakha mmodda, ddittheddene ddikhalleke ddoohirakalla.

Deuteronomo 16:15

Mwaatitimiheke Apwiya Mullukwaanyu vaweerani ehakallallweella mallapo matthanu ni meelli va nipuro namallapello nno enaatthoolliiwa. Ekaamba yawi Apwiya Mullukwaanyu enaakhalle edalisalle ddoohata ddanyu ni mitteko ddanyu ddittheddene, muhakallalle wunchichi.

Akolose 2:16

Sika muhaakhullelle wi arive muthu uuvaheni malamulo a nnddo munacheenyu apaalle owirya apaalle dda Ehakallallo ya Wooneya wa Mweeri apaalle dda nllapo na Sabata apaalle dda ehakallallo ddimodda.