Masalimo 80:9 - Mawu a Mulluku

⁹ Mwaawullimella emata mpesooyo omella misisi ddoowallamella, oddalla mu ellapweeyo.

Masalimo 80:9 Iomraidhean Croise

2 Samuele 7:10

Nave kineerewaatthoollella nipuro athwaaka Aisraele nave kineerewaakeraatthiha wenko wi ekhalle ni nipuro nayiwanayiwa wi ehihoowekettho. Nave athu oohilungama khewa yaahoosattho wonanko khalle

1 Mamwene 4:20

Athu a o Yuda ni a o Israele yaari anchichi, ooheerengeya wonanko mihava dda mukhwipi mwa enyanja. Yaanacha ni owirya navettho yaanahakallalla.

1 Mamwene 4:25

Nave Ayuda ni Aisraele yaanakhalla mwamurendelle, arive muthu vatthi va muteekhwaaye wampesa ni vatthi va muteekhwaaye wanamukuyu ovenyera o Dani ophiya o Beeresheba mallapo mattheene a Solomoni.

1 Epilli 21:5

Vano Yowabu aavelleella echiwerengero ya athu attheene wa Davide. Mu Israele mutthemwene mwaari athu 1,100,000 oowora owana ekhoto nave mu Yuda yaarimo 470,000.

Masalimo 105:44

Yahaavaha ellapo dda mitundu ddimodda dda athu, yaaweeriha wi yaakhe ezipaso dda mitteko dda athu amodda

Masalimo 44:3

Alliwa kheyaawakhille ellapo voopharihani mutteko nsupada niwa, kheyaapambanille vakhotoni ekaamba ya masiviiwa. Koma yaagonjiha ekaamba ya masivaanyu, ekaamba ya owala wa ekhovaanyu vawi mwaahakallallana.

Yesaya 27:2

Nllapo nenno Apwiya eneerollota dda ematiiwa yampesa yaphaama wi,

Yesaya 27:6

Mallapo enawaayo Yakobo aneerotthipella misisi, Israele aneerophuwa ni ottaphulla malluwa. Ellapo ettheene yavatthi eneeroddalla ni ezipaso ddaye.

Yesaya 37:31

Athu a Yuda ayo enaahalle ddineeroweetella phaama wonanko ddoomella dditthipenlle misisi ddiwa vatthi ni wimma ezipaso.

Yesaya 5:2

Aayillima phaama, avenyihamo malluku, aallamo mpesa ddaphaama wunchichi. Aamaka nttattha variyari va emateeyo, aasema moovotellamo mpesa muwarimmo. Aatiyerella wi emateeyo yimme mpesa waphaama koma wimmalle mpesa woonanara.

Yeremiya 12:2

Nyu mwaawaalla nave yaamella misisi, ennunnuwa nave enniima ezipaso. Muri muwano mwiwa koma mirima ddiwa ddiri woorekama ni nyuwaano.

Yeremiya 2:21

We Israele, kaawaallave wonanko mpesa wootthoolliwa, waari mpesa waphaama wunchichi. Vano otthattuwelle tini mpesa woohikhalla ni mutteko, wookhalla wonanko wamuhakani?

Yoswa 24:12

Tti miyaano karumihalle ddoollumanndde wi ddaahoose mamwene Aamoraalle nave attheenaayo yahiikarihiwa vamiitthoni vanyu. Khehiyo masupadaanyu apaalle miira ddanyu ddeerihalle ddenndda.