Masalimo 8:3 - Mawu a Mulluku

³ Kaawehaka oddullu nko mwapangilleenyuwo, mweeri ni etheneeri mwaddiikaatthilleenyuwo

Masalimo 8:3 Iomraidhean Croise

Genesis 1:1

Vawaambawaamba Mulluku aaphatusa oddullu ni ellapo yavatthi.

Yobu 22:12

Ethiyo Mulluku khanakhalla muddullu? Wehani etheneeri ddiitthomeyille muddullunnddo, onani orekama wene ddiriiwamvo.

Yobu 25:3

Ethiyo milloko ddaye ddakhoto ttuuweerengeya? Ttaani ahinamolleelliwa ni owala waye?

Yobu 25:5

Ngoonani, vamiitthoni va Mulluku, naari mweeri khonooneya owala wiwa, etheneeri kheddinanyezimella.

Yobu 36:24

Upuwellaka oriiha mitteko ddaye, nnddo athu enaddiipelliiwa machipo.

Masalimo 104:19

Mwaaphatusa mweeri wi ohiyaniheke enthawi, nndduwa ninnadduwella enthawi yoovollowella.

Masalimo 111:2

Mitteko dda Apwiya tti dduullupalli, attheene oohakallallana ennaddiganizera.

Masalimo 148:3

Nyu nndduwa ni mweeri, atitimiheni, nyu etheneeri ddittheddene ddoowala, atitimiheni!

Masalimo 19:1

Ddooddullu ddinnallalleya otitimiheya wa Mulluku, omiraponi onnooniha mitteko dda mattaaye.

Masalimo 33:6

Oddullu waaphatusiwa ni mawu a Apwiya, nndduwa, mweeri ni etheneeri ddaaphatusiwa ni mpweyiiwa.

Masalimo 89:11

Oddullu ni ellapo yavatthi tti ddaanyu, mwaakeraatthiha ellapo yavatthi ni ddittheddene dda mwemmo.

Eksodo 31:18

Apwiya emallihalle ollota ni Mose vamwaangoni wa Sinai, yaamwinnya malluku meelli a echipangano ayo Mulluku mwaneena alembilleeyevo khalle ni eyaallaaye.

Eksodo 8:19

Sika amasengaalle yaamulleella Farao wi, “Ddenndda eerille tti Mulluku.” Koma Farao ahummihave murima nave aakhoota owiiwellella Mose ni Aroni moollikana ni mmo Apwiya yallotelliiwa.

Luka 11:20

Koma kaakhumihaka minepa ddoonanara ni masiva a Mulluku ddinnooniha wi omwene wa Mulluku woowa khalle wa nyuwaano.

Aroma 1:20

Waambeella enthaweeyo Mulluku aphatuseeye ellapo yavatthi, makhallellwaaye oohooneya, ayo tti, masivaaye oohimalla ni omullukwaaye, oohooniwa. Yaalla enadduwanyeya oweella mwa ddeko ddoophatusiwa ni Mulluku. Sika athu yaalla khenna mawu oothawella!

Deuteronomo 4:19

Muchenjere wi mwaweha oddullu ni woona nndduwa, mweeri, etheneeri ni ddittheddene ddooddullunko, murimaanyu ohikuseye ni waamba ollapella ni orumeyella ddeko nnddo Mullukwaanyu aavahilleeye athu amodda attheene a va ellapo yavatthi.