Masalimo 79:5 - Mawu a Mulluku

⁵ Munaananariwe ophiyera niini, Nyu Apwiya, muneerosha murima wa enthawi yoohimalla? Ethiyo ehachaanyu eneerekokharave wonanko munllo?

Masalimo 79:5 Iomraidhean Croise

Masalimo 103:9

Khenavirellella ovittha mullatu enthawi ettheene, khenasha murima wa enthawi yoohimalla.

Masalimo 6:4

Hokollowani Apwiya, waawoni mukaakihere, kivulluseni ekaamba ya echikondaanyu yoohisintheya

Masalimo 74:1

Nyu Mulluku, kaambiiwa tini munanikhooteenyu wa enthawi yoohimalla? Kaambiiwa tini onanariwa wanyu onoosiiwa enkhosa woochihella enama wanyu?

Masalimo 80:4

Nyu Apwiya Mulluku Amasiva Mattheene, munaananariwelle mavekello a athwaanyu ophiyera niini?

Masalimo 80:5

Mohaachiha miitthori wonanko yoocha, mohaawiryiha miitthori wonanko yoowirya.

Masalimo 85:5

Ethiyo muneeronishella murima wa enthawi yoohimalla? Ethiyo muneerovirellella onanariwa wa mibado ddahu ddittheddene?

Masalimo 89:46

Ethiyo ophiyera niini, nyu Apwiya, munaakiipitthelleenyu wa enthawi yoohimalla? Ethiyo owallaanyu onaakhare wonanko munllo ophiyera niini?

Masalimo 89:47

Upuwellani wi mallapo a okumaaka tti ooyeva. Ethiyo mwaaphatuselle nivuddo athu attheene?

Yesaya 64:9

Nyu Apwiya, muhivirellelle onishella murima ni wuupuwella machimwaahu wa enthawi yoohimalla. Ngoonani, attheene niri athwaanyu.

Maliro 5:22

Apaalle neereke moonikhootellaatu? Neereke moonishella murima mookhwaranya muyeso?

Ezekiele 36:5

Mi Apwiya Mulluku kookhalla killotaka kishille murima owiipa mullatu athu a mitundu ddimodda ddittheddene monga Edomu. Alliwa moohakallalla wunchichi navettho moovevulla yahaakha ellapo ettheene eyitthattusa yayiwa, ekusa ni mapuro oochihella enameene.’

Mika 7:18

Ethiyo ttaani ari Mulluku oophwanaphwana ni nyuwaano, oyo anakhululukella machimo ni ovenyiha ddoolakwa dda oohalla a yoohallanaanyu? Khamunasunga m'murimani onanariwa wa enthawi yoohimalla ekaamba ya echikondaanyu yoohisintheya.

Zefaniya 1:18

Naari siliviiwa apaalle golidiiwa, khawora owoopolla va nllapo na osha murima wa Apwiya. Owalliiwa tti wonanko munllo, onnashellelliha ellapo ettheene, moorurumusa eneerewaamalla attheene ookhalla mwemmo.”

Zefaniya 3:8

Apwiya enallota wi “Ekaamba ya yeella kitiyereni, mutiyere nllapo nno kinaawiipeemini mullatu vawi kooganiza ddootthukumaniha mitundu dda athu ni moomweniiwa mattheene wi kiwoonihelle onanariwa waka, yiiwe ovoreya wa owallaaka. Ellapo ettheene yavatthi eneeroosha ni munllo wa osha murima waka.”

Zekariya 1:12

Vano mungelo a Apwiya aakoha wi, “Nyu Apwiya Amasiva Mattheene, ethiyo Yerusalemu vamodda ni mizinda ddittheddene dda o Yuda nnddo mwaddinanariwelleenyu wa miyakha makhumi matthanu ni meelli, munaaddummelle murima ophiyera niini?”

Deuteronomo 29:20

Apwiya khemukhululukella muthu awi ddiidda vawi Apwiya eneeromushella murima ni ehache yookhara. Nave matembelelo oolembiwa munibukhunimmu eneeromumorella nave Apwiya eneeromoononga wawi khawa uupuwelliwa va ellapo yavatthi.

Deuteronomo 32:16

Yaamweeriha ehache ni milluku ddeelleto, ni ddaweera ddoonanara yaattatthamulla owallaaye.

Deuteronomo 32:22

Owallaaka oneerokhara wonanko munllo, oneerophiya o ellapo ya ookhwa, oneerewoosa ddittheddene ddaveellaponi, oneeroshellelliha matthipello a miyaango.

Yawuupullulla 6:10

Yaakhuwa moowelliha mawu wi, “Apwiya, muri aweella ni awoona! Munatiyerella ophiyera niini ohiwiipa mullatu ni waallaka athu a va ellapo yavatthi yaniiphallaayo?”