Masalimo 77:2 - Mawu a Mulluku

² Va nllapo na ddookatamiha kinnawaashaasha Apwiya, mahiiyu mattheene kinnawelliha mattaaka voovekellani, murimaaka onnakhoota okhurumusiwa.

Masalimo 77:2 Iomraidhean Croise

Genesis 32:28

Muthooyo aallota wi, “Nnddina nawo khanikhallattho Yakobo. Vawi woollipana ni Mulluku vamoddattho ni athu nave woopambana, sika nnddina nawo ninaakhalle Israele.”

Genesis 37:35

Anaaye attheene aallopwana ni aatthiyana yaawa wi emukhurumuse murima koma olliye aakhoota ni wi, “Kinaakhalle kinllaka maliro a mwanaka ophiyera kivollowille mu mahame mmo muri olliyooyo.” Sika aavirellella winlla ekaamba ya Yosefe mwanaye.

2 Epilli 6:28

“Mu ellapweeyo mwakhalla ettalla, mullilli, enkhuwawe, nazombe, miingu, athwaanyu yaapheelliiwa ni adaniiwa apaalle vakhalla ereta ni orive ovoriiwa,

Yobu 11:13

We Yobu, potokosa phaama murimaawo, tukhullella nnatta nawo wa Mulluku.

Masalimo 18:6

Kaawiithana Apwiya mu ddoohoosa ddaka, kaakhuwella wa Mullukwaaka wi akikavihere. Mu enyumbaaye ahiiwa mawaaka, winlla waka waaphiya wa olliye.

Masalimo 50:15

Muvekelle wa miyaano va nllapo na ddookatamiha, miyaano kineerewuuvullusani nave muneerokititimiha.”

Masalimo 55:17

Misikuwa, ohinase ni otthaana kinnakhupanya ni winlla, alliwa eneerewiiwa mawaaka.

Masalimo 63:6

Kakonaatthi vabedini vaka kinaganiza dda nyuwaano, mahiiyu mattheene kinuupuwella aganizera dda nyuwaano.

Masalimo 86:7

Va nllapo na ddookatamiha kinnawiithanani, vawi munnaakhulla mavekellwaaka.

Miyambo 18:14

Murima wa muthu onnamullipiha aavoriiwaka koma ttaani anaawuvillelle waavoreyaka?

Yesaya 26:16

Nyu Apwiya, va enthawi ya ddoohoosa, athwaanyu yaawaashaashani. Enthawi eyo mwaallakeenyu, yaavekella wa nyuwaano.

Yesaya 26:9

Murimaaka onnawuupuwellani mahiiyu mattheene, munepaaka muwarimmu onnawaashaashani. Nyu mwaaweeruzaka ellapo yavatthi, attheene ookhallamo ennahuddera echilungamo.

Yeremiya 31:15

Apwiya enallota wi, “Okhuwa onniiweya o Rama, wa ekutho ni winlla wunchichi. Rakele anawinllella anaaye, animakhoota okhurumusiwa murima, kaambiiwa anaaye aakhwa.”

Hoseya 5:13

“Vano Aefuremu yoonilliiwa wi enimavoriiwa nave Ayuda yoonilliiwa wi aakhalla ni makhwata, Aefuremwaayo yaaya wa Asiriya nave Ayuda yaarumiha othenga wa mwene muullupalli wi aakavihere. Koma khawora waachiriha apaalle ovolliha makhwatiiwa.

Hoseya 6:1

“Hankoni nihokollweelle wa Apwiya, aanikhaddulla koma eneeronichiriha. Aaniphoriiha koma eneeromaka makhwataahu

Yohane 11:31

Vano Ayuda ayo yaari mpa, emukhurumusaka murima, yaamoona Mariya atimullalle mwawaakuva akhumaka vaatte. Alliwaayo yaamuthwara vawi yaganiza wi anaya o mahame wi inlleke wenko.

Aheberi 5:7

Mu okumaaye va ellapo yavatthimva, Yesu m'mavekelloni mwaye ahinlla mookhuwa nave moomoriha miitthori wa Mulluku, oyo aarina masiva oomuvullusa wuukhwaani. Kaambiiwa ahiivelleella ni wiiyeviha, Mulluku ahiiwa mavekellwaaye.