1 Kinninllella moollipiha wa Mulluku, kinnakhuwella wa Mulluku wi akiiwe.
Manddina a anamwani a Yedutuni yaari Gedaliya, Zeri, Yesaya, Shimei, Hashabiya ni Matitiya. Yedutuni, attiitthiiwa sika aahoollella. Alliwa yaanallotella navettho wiipa voopharihani mutteko magitala vawaathokozani ni waallapella Apwiya.
Alliwa yiipesa ni misangwa, magitala ni azeze voorumeyellani o enyumba ya Mulluku moohoollelliwa ni attiitthiiwa. Asafu, Yedutuni ni Hemani yalamulelliwa ni mwene.
Kinnakhuwella wa Apwiya wi ekiiwe. Alliwa ennakaakhulla ovenyera va mwaangwiiwa waweella.
Muthu oohoowoolla ahinlla, Apwiya yaamwiiwa, emuvullusa mu ddookatamiha ddaye ddittheddene.
Kaallota wi, “Kineeropwatha ddaweera ddaka wi kihichimwe voollotani. Kineerowalla vayanoni vaka enthawi ettheene athu oonanara yakhalla ni miyaano.
Apwiya Mulluku Amasiva Mattheene animallota, anawiithana athu attheene a va ellapo yavatthi, ovenyera wookhuma nndduwa ophiyera woovollowa nndduwa.
Murimaaka onnamaalleya omutiyera Mullukuve, ovullusiwa waka onavenyera wa olliye.