Masalimo 75:1 - Mawu a Mulluku

¹ Nyu Mulluku, ninnuuthokozani, ddawoona, ninnuuthokozani vawi nnddina nanyu nohaatamella, ninnallalleya mitteko ddanyu ddoottikhiniha.

Masalimo 75:1 Iomraidhean Croise

Masalimo 138:2

Kinnakokhora moowarama, owiitthoni wa enyumbaanyu yaweella. Kinnatitimiha nnddina nanyu ekaamba ya echikondaanyu yoohisintheya ekaambattho ya ororomelleya wanyu. Mohunnuwiha nnddina nanyu navettho mawaanyu aakhwaranya erive ello.

Masalimo 145:18

Apwiya eri vakhuviru ni attheene ayo enawiithana, ayo enawiithana mwawoona.

Masalimo 44:1

Nyu Mulluku, nahiiwa ni maarwaahu, makhollwaahu yaanilleella nnddo mwaweerelleenyu mu enthawiiwa, mallapo akhalle.

Masalimo 50:1

Apwiya Mulluku Amasiva Mattheene animallota, anawiithana athu attheene a va ellapo yavatthi, ovenyera wookhuma nndduwa ophiyera woovollowa nndduwa.

Masalimo 57:1

Mukeerelle echifundo, nyu Mulluku, mukeerelle echifundo, vawi kinnathawella wa nyuwaano. Kinnathawella vatthi va muuphellwaanyu ophiyera woononga oviralle.

Masalimo 58:1

Nyu oolamulella, ethiyo munnakamulla mullatu mwa echilungamo? Ethiyo munnaweeruza athu mwawoona?

Masalimo 76:1

Mulluku tti oodduwanyeya mu Yuda, nnddina naye tti nuullupalli mu Israele.

Eksodo 23:21

Mumwiiwelle olliyooyo nave mwiiwesese nnddo anaalloteeye. Muhimuwukile vawi khawa uukhululukellakani nichimo nawi ddiidda vawi masivaaka eri mwa olliyooyo.

Yeremiya 10:6

Khaavo oollikana ni nyu Apwiya, nyuwaano tti amasiva, nnddina nanyu nookhalla ni masiva muullupalli.

Deuteronomo 4:7

“Ethiyo tti mutundu muullupalli oovi oyo ori ni milluku ddookhalla vakhuviru ni alliwa wonanko mmo Mullukwaahu anakhallelleeye ni hiyaano? Vawi erive enthawi namwiithana olliye annanaakhulla.