Masalimo 74:7 - Mawu a Mulluku

⁷ Enyumbaanyu yaayihella munllo, nipuro nno mwakhalleenyumo, yaaniripiha voonikumullani.

Masalimo 74:7 Iomraidhean Croise

1 Mamwene 8:20

Solomoni aallota wi, “Vano Apwiya aakwakhwaniha nnddo yalonjezilliiwa vawi koovollowa omwene wa attiitthaaka Davide nave kiri mwene a Aisraele. Nave koomaka enyumba yoollapellellamo nnddina na Apwiya Mulluku a Aisraele.

2 Mamwene 25:9

Nave ahoosa enyumba ya Apwiya, enyumba yoomwene ni enyumba ddimodda ddittheddene dda o Yerusalemu, erive enyumba yuullupalli aayoosa.

2 Epilli 36:19

Nave yaahella munllo enyumba ya Mulluku ni yoomwene, ekumulla mpanda wa Yerusalemu nave yoononga eziwiya ddittheddene ddoowallamella mutengo.

Masalimo 89:39

Mootathilla echipanganwaanyu ni oorumeyellaanyu, moovokhella munthupini enduwiraaye yoomwene.

Eksodo 20:24

Mukillapelleke va nikuwa na ethaya nave vaavo muheraatthikivo mikutho ddanyu ddooshellelliha, dda eyaattano ni dda enkhosa, epuri ni eng'ombe ddanyu. Miyaano kineeroowa wi kuudaliseni va mapuro mattheene ayo kinuulleelleemini wi mukillapellekevo.

Yesaya 64:11

Enyumbaanyu yaweella ni yooreera mmo makhollwaahu yuullapelleewanimo yooshellella ni munllo. Navettho mapuro mattheene naakondeehu aatthattuwa matepe.

Yeremiya 52:13

Nave ahoosa enyumba ya Apwiya, enyumba yoomwene ni enyumba ddimodda ddittheddene dda o Yerusalemu, erive enyumba yuullupalli aayoosa.

Maliro 2:2

Apwiya yahoononga mooheerella echifundo mizi ddittheddene dda Yakobo. Ekaamba ya osha murima, aakumulla mipanda dda mizinda dda mwaana aamutthiyana a Yuda. Aaddikuhella vatthi moowulliha muru omwene wa Israele ni oolamulelliiwa.

Maliro 2:6

Aapwanyulla enyumbiiwa wonanko musasa, Apwiya aamalliha o Ziyoni mallapo a ehakallallo ni a Sabata. Nave eshille murima wunchichi, aamuvevulla mwene ni allupa mukutho.

Ezekiele 24:21

‘Alleelle Aisraele mawaaka awi, kineeronanariha enyumbaaka eyo mukhanlleenyu muyikotellaka wunchichi. Ennuuyaani m'mwiitthoni mwanyu wunchichi nave munnayikonda ni murimaanyu muttheene. Aniinyu aallopwana ni aatthiyana ayo mwaahiyalleenyu mutulli, eneerewiiphiwa ni nsupada.

Ezekiele 7:24

Kineeroruma mitundu dda athu oonanara wunchichi wi yaakhe enyumba ddanyu. Kineeromalliha wiitukhulla wanyu wamasiva nave mapurwaanyu aweella eneeroripihiwa.

Levitiko 26:31

Kineerotthattusa mizinda ddanyu wi ddikhalle matepe, kineerotthattusattho mapurwaanyu oollapellellamo wi ehikhalle ni athu nave ngaakhullella wi kiiwe nthuko nookiddivella na ddoovelleella ddanyu.

Mateyu 22:7

Mwenoolle aasha murima wunchichi, sika ahaaruma akhotwaaye wi yawiiphe awiiphaalle ni woosa muzindiiwa.

Deuteronomo 12:5

Apwiya eneerotthoolla nipuro nimodda mwiillaponi mwanyu wi ekeraatthihemo nnddina niwa nave athu attheene eneerekollapella va nipuro nenno. Wenko muneeroyaawo