Masalimo 74:4 - Mawu a Mulluku

⁴ Adanaanyu aathuruma munipuroni nanyu noopatuleya, yaahiyamo embendela ddiwa wooniha wi aagonjiha.

Masalimo 74:4 Iomraidhean Croise

2 Epilli 36:17

Sika ekaambiiwa Apwiya yamweerihalliiwa mwene a Ababiloni wi aahelle ekhoto ayo yawiiphalle asombwiiwa ni anamwalliiwa ni masupada naari mu enyumbiiwa. Kheyaamweerellettho echifundo arive muthu, muullupalli apaalle mung'onong'ono koma yahaavelleella attheene wa mwene a o Babiloni.

Maliro 2:7

Apwiya aavevulla naari nikuwa niwa, aanikhoota nipuro niwa naweella. Aavelleella m'mattani mwa adani mipanda dda enyumbiiwa yoomwene. Mu enyumba ya Apwiya adanaayo yaakhuwa ni moohakallalla wonanko va nllapo na ehakallallo.

Daniele 6:27

Olliye annavullusa ni waakiha anneera ezizindikiro ni ddoottikhiniha muddullu ni vatthimva, olliye sika amuvullusalle Daniele o masiva a mikango.”

Numeri 2:2

“Aisraele yaatthipellaka misasa, arive muthu atthipelleke vakhuviru ni embendelaaye eyo eri ni echizindikiro ya nibanja naye. Etthipelleke moowaapheella musasa wamutthukumano koma moosirekamella.

Mateyu 24:15

“Vano muneerewoona ‘Yoonanara Yawoononga’ elle yaallotiwe ni Daniele namallotella yiimenlle mu nipuro noopatuleya.” (Oyo aneerenga mawaalla iiwesese ottaphullella wiwa.)

Luka 13:1

Va enthawi yeeyo waari athu amodda ayo yawiille wa Yesu, emulleellaka dda Agalileya ayo yiiphiwe ni Pilato eheraatthiki mukutho wa Mulluku.

Luka 21:20

“Mwamoona Yerusalemu aapheelliwe ni akhoto a adani, dduwellani wi okumulliwa waye wohaatamella.

Yawuupullulla 13:6

Yahaamba omullotella epewe Mulluku, nnddina naye, onipuroni anakhalleeye ni ayo enakhalla oddullu.