Masalimo 73:6 - Mawu a Mulluku

⁶ Ennawara wiitukhulla wonanko mukhova wa mukohi ennawara ekuku wonanko malaya.

Masalimo 73:6 Iomraidhean Croise

Genesis 41:42

Enre ddiiddo, Farao aarulla emphete yoomwene muyaallani mwaye, amuwariha Yosefe oyaallani waye. Aamuwarihattho ddoowara ddabafuta ni ogufu wa golide munikohini mwaye.

Estere 3:1

Ddiviralle nndda, mwene Ahasuwero aamuwelliha odindo mullopwana ooromolliwa wi Hamani Mwagagi, mwaana a Hamedata. Aamunnuwiha ni omuvaha mpando wa vaddullu, okhwaranya enduna ddittheddene ddaari ni olliye.

Masalimo 109:18

Waatembelela akhwaaye waari wonanko yoowaraaye, sika matembelelo emunaanihe wonanko maaddi, ekhalle wonanko makhura oovollowa m'makhuvani mwaye.

Masalimo 109:29

Ookivaanyihana evevuwe, owulliwa muru wiwa waahuruwelle wonanko yoowara.

Miyambo 1:9

Ddiri wonanko enduwira yamalluwa yooreera omuruni wawo. Ddiri wonanko ogufu wa munikohini mwawo.

Miyambo 3:31

Ohinamukhallellaka ehache muthu eekuku apaalle omuttakiha meetellwaaye.

Miyambo 4:17

Weera ddoonanara sika ocha wiwa, echiwawa sika owirya wiwa.

Oollalleya 8:11

Aweeruza yaasellihaka omullaka muthu oochimwa, athu amodda ennallipa murima enapaalla weera ddoonanara.

Nchipo na Solomoni 4:9

Wookitthomolla murima, we murokoraka, mwaaraka. Wookikusa murima ni mawehello a miitthwaawo, ni mmodda mwa ogufu wa munikohini mwawo.

Yesaya 3:19

ogufu, makhoza, ekuwo yookhuneellana ekhove,

Yeremiya 48:11

Apwiya yaallota wi, “Mowabu ookhalla va murendelleni ovenyera esombwaaye wonanko vinyo ookeraattheya phaama, oohimiminelliwa m'munoni mmodda. Ekaamba yawi khanaphariweke okaporo, makhallellwaaye tti amoddamoddave navettho wunkhella waye tti omoddamoddave.”

Yeremiya 48:29

Nohiiwa dda wiitukhulla wa Mowabu. Olliye tti awiitukhulla, awiinyarulla, awiiwa ddaayeve nave tti awiitukhulla wunchichi.

Ezekiele 16:11

Kahuureeriha ni ddooreerihella, kuuwariha ebangili m'muwononi mwawo ni mikhova munikohini mwawo.

Daniele 4:30

Nave olliye aallota wi, “Olla khe Babiloni muullupalli kimumakilleemi wi akhalle enyumba yoomwene ni masivaaka muullupalli wooniha eyuuma ya omwenaaka?”

Mika 3:5

Vookhalla anamallotella ayo enaahollosa athwaaka. Mmodda aavaha yoocha, ennallotella dda murendelle. Koma mmodda ahaavaha yoocha, ennamullotella dda ekhoto.

Deuteronomo 32:15

“Yeshuruni, athu a Apwiya yaaneneva, koma alliwa yahaawukila, yahiidditivallella ni wunnuwa mwiilli, nave yaavona. Vatulli viwa yaamuhiya Mulluku Owaaphatusa, Yaavevulla nlluku na ovullusa wiwa.

1 Petro 5:5

Emoddamoddave yeeyo asombwe nyu, munaphwanella muwiiwellelleke attekweenaanyu. Nave attheenenyu munaphwanella mwiiyeviheke wi murumeyellaneke vawi mawu a Mulluku eni, “Mulluku annaahiiha awiitukhulla koma annaweerella echifundo awiiyeviha.”

Oweeruza 8:26

Endolo ddavelleelliwennddo ddaallemella makilogaramu 20, wooheerengellavo ddooreeriha dda golide, ogufu wamukohi, ddoowara ddooreera ddoofiira dda mamwene a Midiyani ni malaamba a mukohi mwa ekamira.