Masalimo 72:6 - Mawu a Mulluku

⁶ Aneerokhalla wonanko murimu oorupella m'matani, enyeenye yoorupella ethaya.

Masalimo 72:6 Iomraidhean Croise

2 Samuele 23:4

anaaphiyera wonanko owala woohinase, anakhallattho wonanko murimu oyo anamelliha munyepu muthayani.

Masalimo 65:10

Munnahellella wunchichi mizere, munnaddivoniha ni maaddi, munnoollowiha ethaya ni murimu, munnadalisa mmiddo.

Miyambo 16:15

Oreera murima wa mwene onnawiiha okumi wonanko mirapo dda murimu mu ellimwe.

Miyambo 19:12

Osha murima wa mwene tti wonanko othuruma wa mukango koma oreera murima waye tti wonanko nikame vamanasini.

Yesaya 5:6

Kineeroyitthattusa emateeyo ntthalla, enaakhalle yoohiphadderiwa ni yoohikoholliwa nave muneeromella kakande ni miiwa ddimodda. Kineerolamulellattho mirapo wi ddihimurupihe murimu.

Hoseya 6:3

Hankoni nillipihelle waadduwella Apwiya. Eneeronihokollweella wonanko waayaaka ni osa, owa wiwa onaakhalle madaliso wonanko murimu, murimwiine ntthokollapallaka oyo anoollowiha ethaya.

Mika 5:6

Alliwa eneerogonjiha ellapo ya Asiriya ni nsupada nave eneerewaakha ellapo ya Nimirodi mwakhoto. Aneeronivullusa wa Aasiriya yavollowa ni ollapuwella mwiillaponi mwahu.

Deuteronomo 32:2

Ddoohuddiha ddaka ddimore wonanko murimu, mawaaka yimme wonanko nikame, wonanko murimu oorupella vamunyepuni, wonanko enyeenye va ddoophuwa.