Masalimo 72:18 - Mawu a Mulluku

¹⁸ Etitimiheye Apwiya Mulluku a Israele, ayo aneera ddeko ddoottikhiniha.

Masalimo 72:18 Iomraidhean Croise

1 Epilli 29:10

Vano Davide ahaatitimiha Apwiya vamiitthoni va mutthukumano muttheene nave aallota wi, “Nyu Apwiya Mulluku a Israele, nikhollo na Yakobo mutitimiheye wa enthawi yoohimalla”

1 Epilli 29:20

Nave Davide aallota wa mutthukumano muttheenoolle wi, “Atitimiheni Apwiya Mullukwaanyu.” Vano athu attheene yahaatitimiha Apwiya Mulluku a makhollwiiwa nave yaakokhora yaallapella Apwiya ni omuvaha olemu mwene.

Yobu 5:9

Mitteko ddaye tti dduullupalli ni ddoohiiweyesesa, tti ddoottikhiniha ni ddooheerengeya.

Yobu 9:10

Olliye sika aneera dduullupalli ddoohiiweseseya, oyo aneera ddoottikhiniha ddooheerengeya.

Masalimo 106:48

Oodala tti Apwiya Mulluku a Israele, ovenyera o enthawi yoohimalla wa enthawi yoohimalla. Athu attheene ellote wi, “Amen.” Aleluya!

Masalimo 136:4

Apwiya yaayove eneera ddoottikhiniha dduullupalli, echikondiiwa yoohisintheya tti ya enthawi yoohimalla.

Masalimo 41:13

Etitimiheye Apwiya Mulluku a Israele, waambeella enthawi yoohimalla wa enthawi yoohimalla! Amen! Amen!”

Masalimo 68:35

Mulluku tti awoopiha mu nipuro naye noopatuleya. Mulluku a o Israele sika anavaha masiva ni waallipiha mwiilli athwaaye. Mulluku atitimiheye!

Masalimo 77:14

Nyu tti Mulluku oyo aneera ddoottikhiniha, mohooniha masivaanyu variyari va mitundu dda athu.

Masalimo 77:15

Ni nnatta nanyu namasiva, mwaawoopolla athwaanyu, edduullu dda Yakobo ni Yosefe.

Masalimo 86:10

vawi nyuwaano tti muullupalli, munneera ddeko ddoottikhiniha, nyeeneve sika Mulluku.

Masalimo 98:1

Wiipelleni Apwiya nchipo nanaanweene, vawi aheera ddoottikhiniha. Nnattanatta niwa nohaapambaniha muwonwiiwa waweella wohaavullusa.

Eksodo 15:11

“Nyu Apwiya, ethiyo vookhalla mulluku mmodda oophwanaphwana ni nyuwaano? Ttaani ari wonanko nyuwaano, ootitimiheya ekaamba ya weella wanyu? Ttaani ari wonanko nyuwaano vaweerani mitteko dda masiva ni ddoottikhiniha?