Masalimo 71:9 - Mawu a Mulluku

⁹ Muhikitathille enthawi ya wuulluvalla waka, muhikihiye meekha masivaaka yamalla.

Masalimo 71:9 Iomraidhean Croise

2 Samuele 19:35

Vano miyakha ddaka ddiri 80. Ethiyo mi ttuuwora ohiyaniha ddeko ddoohakallalliha ni ddeko ddoohihakallalliha? Ethiyo mi oorumeyellaanyu ttuuwora odduwella oddiva wa yoocha apaalle wa yoowirya? Ethiyo mi ttuuwora wiiwa wiipa waallopwana apaalle waatthiyana? Kaambiiwa tini miyaano kinaakhalleemi wonanko katundu oollemella ootthinddanyeriwa va nyuwaano, apwiyaaka amwene.

Masalimo 71:18

Nyu Mulluku, muhikihiye meekha, naari kuulluvanlle, kiri ni embwi ophiyera killalleyille dda masivaanyu ni dda ekophollo ddanyu wa mibado ddamuhoollo.

Masalimo 73:26

Naari mwiillaaka ni murimaaka ddifookille mwawiidde, Mulluku sika masiva a murimaaka, sika yoohallanaaka wa enthawi yoohimalla.

Masalimo 90:10

Miyakha dda okumaahu tti 70, nakhalla amasiva ttuukwakhwana 80. Koma miyakhannddo tti dda okhupanya ni okatamihiwa, ddinnamalla mwawaakuva, hiyaano ninarowa.

Yesaya 46:4

Va wuulluvalla wanyu kinaakhalleve yoolle, naari voomellani embwi kineerovirellella wuupwathani, kineerewuutukhullani ni kineerewuuvullusani.

2 Timoteo 1:12

Ekaamba ya yeella kohoona ddoohoosanndda. Nave nginawulliwa muru kaambiiwa kinnamudduwella oyo kinamukhulupilileemi nave kinnasimikiza wi annawora osunga phaama eyo aakinnyenreeye ophiyera nllapo noomallihella.

2 Timoteo 4:18

Nave Apwiya eneerokaakiha o erive yoonanara navettho eneerokivollochiha phaama mu omwene wooddullu. Wa olliye okhalle ntitimiho wa enthawi yoohimalla. Amen.