Masalimo 71:21 - Mawu a Mulluku

²¹ Muneerewoonjerera olemwaaka, muneerokikhurumusattho murima.

Masalimo 71:21 Iomraidhean Croise

2 Samuele 3:1

Vano ekhoto variyari va athu a Saulo ni athu a Davide yaavirellellave wa enthawi yoorekama. Masiva a Davide yaanavirellella waata koma masiva athu a Saulo yaanavirellella oyeva.

Masalimo 18:35

Nyuwaano mookiteteza ni yawiitetezellaanyu yoovullusa. Nnattanatta nanyu nookiseera, mookiwelliha ni nikavihero nanyu.

Masalimo 23:4

Naari keeteke mu ntapo na muuthuuchi wa okhwa kheyiivo yoonanara kinaayoovekeemi, vawi nyu Apwiya munnakhalla ni miyaano, ekoondaanyu ni ekopwaanyu ddinnakiteteza.

Masalimo 32:10

Muthu oonanara annakumana ni ddookhoma ddinchichi, koma muthu awaaroromella Apwiya annaapheelliwa ni echikondi yoohisintheya.

Masalimo 72:11

Mamwene mattheene eneeromukokhorella, mitundu ddittheddene dda athu ddineeromurumeyella.

Masalimo 86:17

Mukoonihelle echizindikiro ya oreera murima wanyu wi awiitana ni miyaano ewulliwe muru, vawi nyuwaano, Apwiya mookikavihera, mookhurumusa murima.

Yesaya 12:1

Nllapo nenno arive muthu aneerollota wi, “Kinnuuthokozani nyu Apwiya, vawi naari mwakishenlle murima, osha murima wanyu waariirya nave mwaakikhurumusa murima.

Yesaya 49:13

We oddullu, ipa moohakallalla, we ellapo yavatthi, thapella! Nyu miyaango, ambani nchipo! Apwiya ahaakhurumusa murima athwiiwa, aaweerella echifundo athwiiwa oohoowa.

Yesaya 49:6

Apwiya enallota wi, “Tti ello yoovevuwa wi okhalle oorumeyellaaka, wi waavenyihe malloko a Yakobo, waahokollosella owaniwa Aisraele oohalla. Kineeroweerani wi mukhalle owala wa mitundu ddimodda dda athu, wi ovullusa waka ophiye o makomello a ellapo yavatthi.”

Yesaya 9:7

Olamulello ni murendellaaye ddineerovirellella waata, aneerokhalla va mpando wa mwene Davide, aneerokeraatthiha ni ollipiha omwenaaye, vaweerani ddoolungama ni ddaphaama waambeella enthawi yeeyo wa enthawi yoohimalla. Ni murimiiwa muttheene Apwiya Amasiva Mattheene yoosimikiza okwakhwanihella ddenndda.

2 Akorinto 2:14

Mulluku athokoziwe! Vawi mu eyaattano ni Khrisitu Mulluku annanihoollella enthawi ddittheddene wi nigonjiheke. Navettho Mulluku ananiphariha mutteko woovuwiha ddoodduwella dda Khrisitu virive veko wonanko nthuko naphaama.

2 Akorinto 7:13

Ella sika ekaambiiwa ninallipihiweehu murima. Khe ollipihiwa murimave komattho ohakallalla wa Tito waanihakallalliha kaambiiwa nyuwaano mwaamukeraatthiha murima.

2 Akorinto 7:6

Koma Mulluku oyo anallipiha murima wookhumuwa, aanillipiha murima hiyaano va owa wa Tito.

1 Atesalonika 3:9

Vano ninnawora omuthokoza wunchichi Mullukwaahu ekaamba ya nyuwaano. Ninnamuthokoza ekaamba ya ohakallalla niriihuna vamiitthoni vaye ekaamba ya nyuwaano.

Yawuupullulla 11:15

Nave mungelo aneetthanu ni piilli ahoopa nipallapata naye. Nave kahiiwa mawu oowella ovenyera oddullu oollota wi, “Omwene wa ellapo yavattheella tti wa Apwiihu ni wa Mesiyaaye.* Nave Apwiihu eneerolamulella wa enthawi ddoohimalla!”