Masalimo 7:6 - Mawu a Mulluku

⁶ Apwiya venyani moosha murima, mullipane ni adanaaka oowalli. Tthupulluwani nyu Mullukwaaka, lamulani wi echilungamo yeereye.

Masalimo 7:6 Iomraidhean Croise

2 Samuele 17:14

Yiiwalliiwa ddenndda Abishalomu ni Aisraele attheene yaallota wi, “Malangizo aphaama tti alla a Hushai Mwarikoolla woohikhalla a Ahitofelaalle.” Ddaari ddiiddo kaambiiwa Apwiya sika yeerihalle wi malangizo aphaama a Ahitofele ekukureye, ddeko ddihimweetelle phaama Abishalomu.

Masalimo 103:6

Apwiya ennaweeruza mweechilungamo ennaweerella echiweruzo attheene oonyingallelliwa.

Masalimo 12:5

Ekaamba yawi oohoowa ahaakhiwa ddayiwa, oorama ddeko ennakhupanya, Apwiya enallota wi, “Vano kineerohiyavo nnatta naka, kineerewaavullusa mmo enapaallelliiwa.”

Masalimo 138:7

Naari keete variyari va ddookatamiha, nyu, munnasunga okumaaka. Munnattaphurusa nnatta nanyu waahiiha adanaaka oosha murima, nnattanatta nanyu ninnakivullusa.

Masalimo 143:3

Mudanaaka ookithwara manyallo oonyingallella okumaaka muthayani. Ookikeraatthiha mwiipiphini wonanko muthu oyo akhwille khalle.

Masalimo 3:7

Nyu Apwiya venyani! Nyu Mullukwaaka kivulluseni! Vawi munnawuukutha adanaaka etwaatwara, munnaakhulla miino athu oonanaraayo.

Masalimo 35:1

Nyu Apwiya, mullipanena athu oollipana ni miyaano, muwane ni athu oowana ni miyaano.

Masalimo 35:23

Nyu Mullukwaaka ni Apwiyaaka, venyani, hankoni mukiseere va mullatwaaka.

Masalimo 44:23

Nyu Apwiya venyani! Kaambiiwa tini munakoneenyu? Venyani, muhinanikhoota wa enthawi yoohimalla.

Masalimo 44:26

Venyani muwe munikavihere, noopolleni ekaamba ya echikondaanyu yoohisintheya.

Masalimo 59:5

Nyu Apwiya Mulluku Amasiva Mattheene, Mulluku a Israele, venyani wi mwaallake athu attheene a mitundu ddimodda ddittheddene. Muhinamweerella echifundo arive muthu mwa athu oolleka ni eechiwembu.

Masalimo 73:20

Nyu Apwiya, muneerewaavevulla wunchichi mwaavenyeka wonanko mmo muthu ananyemullelleeye ddoolloha avenya ohinase.

Masalimo 74:3

Waawooni mweetelle matepe awoonongeyesesaalla, adani ahoononga ddeko ddittheddene dda mu enyumbaanyu.

Masalimo 78:65

Voomallihella Apwiya yakhanlle wonanko enimavenya wene omakonello, wonanko muthu amasiva anakhuwa ekaamba ya vinyo.

Yesaya 3:13

Vano Apwiya aakhonzeka waamba mullatu, aakhozeka khalle wi eweeruze athwiiwa.

Yesaya 33:10

Apwiya enallota wi, “Vano kineerovenya, kineerewooniha masivaaka nave kineerovahiwa olemu wunchichi.

Yesaya 37:20

Sika nyu Apwiya Mullukwaahu, munivulluse wa muthu yoolla wi mitundu ddittheddene dda va ellapo yavatthi ddidduwelle wi nyuwaano nyookha tti Apwiya.”

Yesaya 51:9

Nyu Apwiya, venyani, venyani, llipani murima! Venyani wonanko mu mallapo akhalle, enthawi ya mibado ddakhalle. Ethiyo khe nyuwaano mwamuphanddephanndde Rahabu oyo ahomille enama yawoopiha ya mu enyanja?