Masalimo 7:17 - Mawu a Mulluku

¹⁷ Miyaano kineeromuthokoza Mulluku Amasiva Mattheene, ekaamba ya echilungamwaaye. Kineerewiipa machipo owaatitimiha Apwiya, Amasiva Mattheene.

Masalimo 7:17 Iomraidhean Croise

2 Samuele 3:29

Mullatu yoolla okhalle wa Yowabu ni nibanja nittheene na attiitthinnya. Nave Mulluku amullake Yowabu ni nibanja naye nittheene nave attheene evoriiwe ni erata ya echisonono apaalle ereta ya makate apaalle orakalla apaalle yiiphiwe okhotoni apaallettho erame yoocha.”

1 Mamwene 2:32

Apwiya eneeromullaka Yowabu kaambiiwa aawiipha ni nsupada athu eelli eechilungamo omukhwaranya olliye, attiitthaaka Davide ehidduwellaka. Athwaayo yaari Abinere mwaana a Nere oyo aari akhoto muullupalli a o Israele ni Amasa mwaana a Yetere akhoto muullupalli a o Yuda.

Estere 9:25

Koma Estere aphiyalleeye vamiitthoni va mwene, mwenooyo aalamula voolembani wi ddoopaalla owoononga Ayuda nnddo ekeraatthihalle Hamani, ddimmorelle yeekha nave wi Hamanooyo ni anaaye aallopwana emakellelliwe vamuteekhoni.

Masalimo 111:3

Mitteko ddiwa tti ddoolemu ni ddoomwene, echilungamwaaye tti wa enthawi yoohimalla.

Masalimo 140:10

Mankhalla amunllo yaamorelle, evokhelliwe m'mallitini oowallamella, ehikhumemottho.

Masalimo 145:7

Eneerovuwiha dda ophaamaanyu, eneerewiipa otitimiha echilungamwaanyu.

Masalimo 35:28

Miyaanottho kineerollalleya dda echilungamwaanyu, kineerewuutitimihani mallapo mattheene.”

Masalimo 51:14

Mukaakihe o mullatu wa nikhame, nyu Mulluku, Mulluku oovullusaaka, kineerowelliha mawaaka vawiipani dda ovullusa wanyu.

Masalimo 9:2

Kineerohakallalla ni othapella ekaamba ya nyuwaano, kineerewiipa otetheella nnddina nanyu, nyu Amasiva Mattheene.

Masalimo 92:1

Tti waphaama waathokoza Apwiya, wiipella nchipo nnddina nanyu, nyu Amasiva Mattheene.

Masalimo 92:8

Nyu nyookha Apwiya tti Amasiva Mattheene wa enthawi yoohimalla.

Masalimo 98:2

Apwiya aadduwanyeyiha opambana wiwa, ahoonihella echilungamwiiwa vamiitthoni va athu amitundu ddittheddene.

Daniele 4:17

Amithenga aweella sika enasimikiza ddenndda. Sika athu attheene edduwelle wi Mulluku Ooddullu ookhalla ni masiva oolamulella moomwene a athu nave wi annawora owuvelleella wa arive muthu moollikana ni mmo anapaallelleeye naari wa ookittha oovevuwa wunchichi.’

Daniele 4:25

Muneerewiikarihiwa variyari va athu nave munaakhalleke vamodda ni enama ddamuhakani. Munaacheke manasi wonanko eng'ombe nave muneerekonaana ni nikame nooddullu wa miyakha mitthanu ni miilli ophiyera mudduwenlle wi Mulluku Ooddullu ookhalla ni masiva oolamulella moomwene a athu annaavelleella wa arive muthu moollikana ni mmo anapaallelleeye.

Daniele 4:34

Koma miyakha mitthanu ni miilli ddamanlliiwa mi Nebukadinezara kaaweha oddullu nave ezeru ddaka ddaahokollowa. Sika kaamutthamalla Mulluku Ooddullu nave kaathokoza ni omutitimiha Mulluku a enthawi yoohimalla. Kaallota wi, “Aneerolamulella wa enthawi yoohimalla, omwenaaye tti wa mibado ddittheddene.

Mitteko 7:48

“Koma Mulluku Muullupalli khanakhalla mu enyumba ddoomakiwa ni athu moollikana ni mmo alembille namallotella wi,

Oweeruza 9:24

Nndda ddaheereya wi ddimuhokollweelle nnddo aweerelleeye anamwani 70 a Yerubaala. Nave wi nikhame niwa nikhalle va Abimeleki, mbaliiwa oyo awiiphalle navettho wa athu a o Shekemu ayo yamullipihalle murima wi awiiphe abalaaye.

Oweeruza 9:57

Mulluku ahaahokollosella yoonanara athu a o Shekemu ekaamba ya onanara wiwa nave wahaamorella otembelela wa Yotamu, mwaana a Yerubaala.