Masalimo 69:8 - Mawu a Mulluku

⁸ Wa abalaaka kootthattuwa mulleto wa ookhumana erukullu emodda kootthattuwa m'maralla.

Masalimo 69:8 Iomraidhean Croise

Masalimo 31:11

Adanaaka attheene enimakinyemulla, akhwaaka attheene enakeesa ello yoonanara. Athu awimoona odduwellanana enakeesa yawoopiha. Athu ookoona m'musewuni ennakithawa.

Masalimo 38:11

Akhwaaka attheene aakirekamella ekaamba ya eretaaka, abalaakattho ennakirapa.

Masalimo 89:51

Nyu Apwiya, upuwellani wi enakivevullaayo tti adanaanyu, ennanyaambusa meetello a oozoziwaanyu virive veko anyinganlleeye.

Masalimo 89:52

Edaliseye Apwiya wa enthawi yoohimalla! Amen! Amen!

Yesaya 50:6

Kaavelleella mutthanaaka wa ookuukutha, maramaaka wa ookitulla ereru. Ngaawiipitthihelle ekhove ookivevulla ni ookittaphera mare.

Yesaya 53:3

Olliye aavevulliwa ni aakhootiwa ni athu, muthu addoovoreya, ooddollweella ddoowaawa. Aanyaambusiwa wonanko owiipitthihelliwa ekhove ni athu, hiyaano khenaamweesille wonanko muthumuthu.

Yesaya 53:4

Ddawoona, olliye yeekha aatukhulla ethakaraka ddahu, ni wiireya ereta ddahu. Koma khenaamweesa wi tti oollakiwa, awuukuthiwa ni oohoosiwa ni Mulluku.

Yeremiya 15:15

Mi kaallota wi, “Nyu Apwiya munnadduwella ddittheddene. Mukuupuwelle nave mukikavihere miyaano. Mwaahokolloselle ddoonanara athu ookihoosa nave muhaakhurumuwelle. Muhikaakhe okumi vawi munnadduwella wi kinnanyaambusiwa ekaamba ya nyuwaano.

Mateyu 26:56

Koma ddittheddenenndda ddoheereya wi yaalembille anamallotella, ddikwakhwanelle.” Vano oohuddera attheene yaamuhiya ethawa.

Yohane 1:11

Olliye aawa owaniwa koma athu a owaniwaayo kheyamwaakhenlle.

Yohane 7:5

Vawi naari asinnaayo kheyaamukhulupilila.

1 Samuele 17:28

Eliyabu, mwanamunne muullupalli a Davide, amwiiwalleeye Davide allotaka ni akhotwaayo aamushella murima allota wi, “Waweella tini wuno? Ethiyo enkhosa vang'ononndde ddihanlle ni aani ochipululuni wulle? Kinnadduwella wi weyaano tti awiitukhulla ni oonanara murima vawi waweella woona ekhotweella!”