Masalimo 69:3 - Mawu a Mulluku

³ Koofooka ni winlla waka, ommilloni waka wohumma, m'mwiitthoni mwaka mookhalla epiphi kinamutiyerelleemi Mullukwaaka.

Masalimo 69:3 Iomraidhean Croise

Yobu 11:20

Koma oonanara oneeromwaramwara miittho mohalleella, kheyoona woothawella, etiyerellwiiwa tti okhwa.”

Yobu 16:16

Miitthwaaka aafiira ni winlla, ahiipa wunchichi.

Masalimo 119:123

Miitthwaaka aatopa ekaamba yootiyerella ovullusa wanyu, okwakhwanihiwa wa malonjezwaanyu oolungama.

Masalimo 119:82

Miitthwaaka aafiira vooweherani malonjezwaanyu, kinnakoha wi, ethiyo munaakikhurumuse murima niini?

Masalimo 22:15

Ommilloni waka wohumma wonanko nivalli, nllumi naka nohaangellella onramani. Mookihiya vanthupini wi kikhwelle vaavo.

Masalimo 22:2

Mullukwaaka kinnawiithanani orive otthaana koma khamunakaakhulla, kinnawinllellani orive mahiiyu koma nginoopiwa ephevo.

Masalimo 25:21

Ohilakwa ni echilungamwaaka ddikiteteze vawi kinnuuroromellani.

Masalimo 39:7

Vano nyu Apwiya, kinatiyera tini? Ororomella waka ori va nyuwaano.

Masalimo 40:3

Yaahiya nchipo nanaanweene muwano mwaka, nchipo noomutitimiha Mullukwaaka. Athu anchichi eneeroddoona ddenndda nave eneerewoova ni waaroromella Apwiya.

Masalimo 6:6

Kootopana wiipullella, erive mahiiyu kinnanaaniha yoohameella murwaaka ni miitthori. Kinnaddalliha maaddi vookona vaka ekaamba ya winlla waka.

Masalimo 69:21

Yaakihellella nttipwi mu yoochaaka, yaakiwiryiha vinyo oonyuunya kaariimi ni nthona.

Masalimo 88:7

Osha murima wanyu wookiphitteera, mookimirya ni mafundaanyu mattheene.

Yesaya 38:14

Kaaninlla wonanko neenkhaare oopaneya, kaaniipullella wonanko ekhunda yookhupanya. Miitthwaaka yaatopa ni oweha oddullu. Nyu Apwiya, kinnahoosiwa, waawoni mukaakihe.

Maliro 2:11

Miitthwaaka aatopa ni winlla, murimaaka woohoowa wunchichi. Murimaaka wooddalla ni ethakaraka, ekaamba yawi athwaaka ahoonongeya. Anamwani ni avanipelleniine enimangomowa m'misewuni dda m'mizindani.

Yohane 19:28

Yesu aadduwella wi vano ddittheddene ddaamalla. Nave wi mawu a Mulluku ekwakhwanihiwe, aallota wi, “Kinnavolliwa nthona.”

Deuteronomo 28:32

Aniinyu aallopwana ni aatthiyana eneerophariwa okaporo ni alleto, nyuwaano moonaka ni miitthwaanyu. Nave nllapo ni nllapo munaakhallelleke oweha ottilla wi apaalle aniinywaayo ttuuhokollowa koma khamuphuravo ello.

Aheberi 5:7

Mu okumaaye va ellapo yavatthimva, Yesu m'mavekelloni mwaye ahinlla mookhuwa nave moomoriha miitthori wa Mulluku, oyo aarina masiva oomuvullusa wuukhwaani. Kaambiiwa ahiivelleella ni wiiyeviha, Mulluku ahiiwa mavekellwaaye.