Masalimo 69:21 - Mawu a Mulluku

²¹ Yaakihellella nttipwi mu yoochaaka, yaakiwiryiha vinyo oonyuunya kaariimi ni nthona.

Masalimo 69:21 Iomraidhean Croise

Oollalleya 4:1

Kahoonattho orama echilungamo ottheene oneereya vatthimva. Nave kaawoona oonyingallelliwa emorihaka miitthori koma khaarivo naari mmodda owaakhurumusa murima. Khaarivo owaakhurumusa murima kaambiiwa owaahoosaayo yaakhalla ni masiva.

Yeremiya 23:15

Ekaamba ya ddenndda, voollotani dda anamallotella yaalla, Apwiya Amasiva Mattheene enallota wi, “Kineerewaachiha ddoomella ddoowaawa ni waawiryiha maaddi anttipwi ekaamba ya ddoonanara dda anamallotella a o Yerusalemu ddiddanlle ellapo ettheeneella.”

Yeremiya 8:14

Athu enakoha wi, “Kaambiiwa tini nineeriiwa moona okeraatthi? Hankoni attheene vamodda nithawelle o mizinda dda mipanda nakhwelle wenko. Apwiya Mullukwaahu aakamulla mullatu wi noophwanella okhwa aaniwiryiha maaddi anttipwi kaambiiwa nohaachimwella.

Yeremiya 9:15

Ngiiwani vano nnddo mi Apwiya Amasiva Mattheene, Mulluku a Israele, kineereemi. Athu yaalla kineerewaachiha ddoomella ddoowaawa ni waawiryiha maaddi anttipwi.

Maliro 1:2

Akhallelle winllave mahiiyu mattheene, maramaaye yoohapa miitthori. Mwa attheene ayo yamukonda, khaavo naari mmodda awi amukhurumuseke. Akhwaaye attheene khenaroromelleya, attheene aatthattuwa adanaaye.

Maliro 1:9

Ottawaaye waanooneyella vaweella, olliye khaaganizera dda otullaaye wamuhoollo. Sika ekaambiiwa omora waye waari wawoopiha, nave khaavo anamukhurumusa murima. Olliye anallota wi, “Nyu Apwiya, onani ohoosiwa waka, vawi adanaaka aapambana.”

Mateyu 27:34

Yaamuvaha vinyo oottakanyihera ni wamwa wi amuwirye koma amullawihalleeye, khaamuwiryalle.

Mateyu 27:48

Vano mmodda a yaayo aathamaka akusa esiponje atthaveya mu vinyo oonyuunya ahiya otthoka wa ekopo, amvahera wi amuwirye.

Mariko 15:23

Yaamuvaha vinyo oottakanyihera ni wamwa wi amuwirye koma khaamuwiryalle.

Mariko 15:36

Vano mmodda a yaayo aathamaka ni esiponje atthaveya mu vinyo oonyuunya, iiyaatthi otthoka wa ekopo amutukhullella owanoni waye wi awirye. Nave aallota wi, “Ngatiyerani, noone eeki namallotella Eliya awe wi amukitthihevo vamutandanimvo!”

Luka 23:36

Akhotwaayo yaamweerellattho epewe Yesu, yaamwaatamella, emuvaha vinyo oonyuunya wi amuwirye.

Deuteronomo 29:18

Moonesese wi vihikhalle oorukunuwa murima wi aahiye Apwiya Mullukwaanyu naari mullopwana, mutthiyana, nibanja apaalle nlloko mwa attheenenyu ni waamba ollapella milluku ddimodda. Weera ddiidda onaphwanaphwana ni musisi wooyara nttipwi ni echipaso yoowaawa.