Masalimo 69:18 - Mawu a Mulluku

¹⁸ Kaatamelleni mukoopolle, kivulluseni wa adanaaka.

Masalimo 69:18 Iomraidhean Croise

Yobu 6:23

Ethiyo koollota wi mukivulluse wa mudani apaalle wi mukoopolle wa ookihoosa?

Masalimo 10:1

Nyu Apwiya kaambiiwa tini mwiimenlleenyu voorekamella, muniipittheenyu naahoosiwaka?

Masalimo 111:9

Yahaavullusa athwiiwa, yaakeraatthiha echipanganwiiwa wi ekhalle ya enthawi yoohimalla. Nnddina niwa tti naweella ni nawoopiha.

Masalimo 143:7

Nyu Apwiya, akuvani okaakhulla, kootathilla murima wunchichi. Muhiniipitthiha ekhovaanyu, woova wi kinaaphwanaphwane ni ookitthella o mahame.

Masalimo 22:1

Mullukwaaka, Mullukwaaka kaambiiwa tini mukihiyalleenyu? Kaambiiwa tini muhinakikavihereenyu naari vang'ono? Kaambiiwa tini muhiniiweenyu wiipullella waka?

Masalimo 22:12

Adanaaka anchichi amasiva aakaapheella, aakuupa wonanko anankhoro a enari.

Masalimo 22:19

Koma nyu Apwiya muhinakirekamella, nyu masivaaka, akuvani wi mukikavihere.

Masalimo 22:20

Vullusani okumaaka onsupadani, kaakihereni muwano mwa enama ddamuhakani.

Masalimo 27:9

Muhikiipitthihelle ekhovaanyu. Muhikikhoote moonanariwa mi oorumeyellaanyu. Nyuwaano mookhalla mukikaviheraka. Muhikitathille, muhikihiye meekha, nyu Mulluku oovullusaaka.

Masalimo 31:5

Kinavelleella munepaaka m'mattani mwanyu, nyu Apwiya oororomelleya, mookoopolla.

Masalimo 49:15

Koma Mulluku aneerewoopolla okumaaka o olamulello wa mahame, ngiwa koova vawi aneerokaakhella.

Yeremiya 14:8

Nyu Apwiya tti etiyerello ya Israele, oovullusaaye va enthawi ya ddoohoosa. Kaambiiwa tini munakhalleenyu wonanko mulleto mu ellapo ella, wonanko avoolendoni ookona mahiiyu mamodda?

Maliro 3:57

Nyuwaano mwaasusella vakhuviru kavekelleemi wi mukikavihere nave mwaallota wi, ‘Ohoove.’

Deuteronomo 32:27

Koma nginapaalla wi adaniiwa yiitukhulleke, eganizeke moolakwa ni okittheya. Ehooneke wonanko yaagonjihalle ni masiviiwa, wi Apwiya kheyeerille ddenndda.’ ”

Yoswa 7:9

Akanani ni athu amodda attheene ookhalla mwiillaponimmu eneerewiiwa nave eneeronaapheella ni oniipha attheene. Ethiyo vano nyuwaano munaaweere tini oteteza nnddina nanyu nuullupalli?”