Masalimo 69:13 - Mawu a Mulluku

¹³ Koma miyaano kinnavekella wa nyu Apwiya, nyu Mullukwaaka, mukaakhulle mu enthawi yaphaama ekaamba ya wunnuwa wa echikondaanyu yoohisintheya ekaamba ya ororomelleya wa ovullusa wanyu.

Masalimo 69:13 Iomraidhean Croise

Genesis 24:27

Nave aallota wi, “Etitimihiwe Apwiya Mulluku a apwiyaaka Abrahamu, ayo esungalle moororomelleya lonjezo niwa wa apwiyaaka. Apwiya aakihoollella miyaano wa abale a apwiyaaka.”

Estere 5:2

Vano voomoonani mwaaramwene Estere iimellille munthatonimmo, mwenooyo aahakallallana, sika aamutthoonya ni ekopwaaye ya golide eyo yaari m'mattani mwaye. Sika Estere ahaatamella vakhuviru nave aattannya etthoka ya ekopweeyo.

Estere 5:6

Yamuwiryiiwa vinyo, mwene aamukoha Estere wi, “Ethiyo onapaalla tini? Kineerewuuvaha. Nave ethiyo onaveka tini?” Kineerewuuvaha ddawoona, naari eri hafu a omwenaaka.

Estere 7:2

Va nllapo naneepiilli na machellello, voomuwiryani vinyo, mwene aamukohattho Estere wi, “Ethiyo onapaalla tini? Kineerewuuvaha. Nave ethiyo onaveka tini? Ddawoona Kineerewuuvaha naari eri hafu a omwenaaka.”

Masalimo 32:6

Sika muthu oolungama avekelle wa nyuwaano mu enthawi eyo munaphwanyeyeenyu. Maaddi oosefukella yaphiya, khemuphwanya olliye.

Masalimo 51:1

Nyu Mulluku mukeerelle echifundo, moollikana ni echikondaanyu yoohisintheya. Muvuhellelle machimwaaka, moollikana ni echifundwaanyu yuullupalli

Masalimo 91:15

Akiithana, kineeromwaakhulla, kineerokhalla ni olliye enthawi ya ddoohoosa, kineeromwaakiha ni omuvaha olemu.

Masalimo 98:3

Ahuupuwella echikondiiwa yoohisintheya ni ororomelleya wiwa o enyumba ya Israele. Athu a wookomella ellapo yavatthi otthewene ahoona ovullusa wa Mullukwaahu.

Yesaya 49:8

Apwiya enallota wi, “Enthawi kinaaganizeemi ddawuukondella kineerowaakhulla, nllapo na ovullusa kineerewuukavihera. Kineerewuusunga wi okhalle echipangano wa athu wi kiyihokolloselle mwakhalle ellapo, oyikawakawa yoohallana yawoonongeya.

Yesaya 55:6

Muwaashaashe Apwiya mvo enaphwanyeyiiwa, muvekelle wa alliwa mvo eriiwa vakhuviru.

Maliro 3:63

Onani, ohinase ophiyera misikuwa, enniipa machipo ookinyaambusa.

Mika 7:20

Muneerewooniha ororomelleya wanyu va Yakobo ni echikondaanyu yoohisintheya va Abrahamu monga mwallupenlleenyu khalle wa makhollwaahu.

Luka 1:72

Aaweerella echifundo makhollwaahu nave ahuupuwella echipanganwaaye yaweella.

Luka 22:44

Naari Yesu ahoowille wawoopiha m'murimani mwaye, aavekellave ohiyana ni vawaamba nave nikhurumella naye naari wonanko nikhame ninamorella vatthi.

2 Akorinto 6:2

Vawi Mulluku anallota wi, “Enthawi kaganizalleemi ddawuukondella, kaawaakhullella, nllapo naphiyalliiwa wi kuuvulluse, kahuukavihera.” Ngiiwani! Ella sika enthawi yaphaama, ollello sika nllapo noovullusiwa!

Aheberi 5:7

Mu okumaaye va ellapo yavatthimva, Yesu m'mavekelloni mwaye ahinlla mookhuwa nave moomoriha miitthori wa Mulluku, oyo aarina masiva oomuvullusa wuukhwaani. Kaambiiwa ahiivelleella ni wiiyeviha, Mulluku ahiiwa mavekellwaaye.

1 Petro 2:23

Allotelliweeye epewe, khaawaakhullalle epewe, ahoosiweeye khoopopihalle koma ahiivelleella wa Mulluku oyo aneeruza moolungama.

1 Samuele 25:8

Mwaakohe allupa muttekwaanyu eneerewuulleellani emoddamoddave yeeyo. Sika muweerelle ddaphaama athwaakaayo vawi niwiille enthawi ya ehakallallo. Mwaavahe athwaakaayo ni miyaano mukhwiinyu Davide, erive ello eyo munaakhalleenyuna.’ ”