Masalimo 69:11 - Mawu a Mulluku

¹¹ Kawanreemi echiguduli wooniha winlla, kaatthattuwa yowaattheyiha.

Masalimo 69:11 Iomraidhean Croise

1 Mamwene 9:7

sika kineerewaavenyihamo Aisraelaayo mu ellapo kaavahilleemi. Nave enyumba eyo kayipatulalleemi wi nnddina naka nillapellelliwekemo kineeroyikhoota nave kineeromutthattusa Israele ello yoottheyiha ni yoonyemulliwa variyari va athu attheene.

Yobu 17:6

Ookitthattusa yoottheyiwa ni athu, ookoona ennakittapha.

Masalimo 109:24

Makutthaaka aavelleveddeya ekaamba ya ohalla ocha,* mwiillaaka wohoonda ekaamba yoorama makhura.

Yesaya 20:2

Enthawi yeeyo Apwiya yaari ellotille khalle oweella mwa Yesaya mwaana a Amozi wi, “Khawe warulle echiguduli muyuununi mwawo ni esapato omanyalloni wawo.” Nave olliye aheera ddennddo, aneeta epwillimwinddive ni oohiwara esapato.

Yesaya 22:12

Enthawi yeeyo Apwiya Mulluku Amasiva Mattheene aawiithahanani wi mwinlle ni omoriha minthori, mucheme ni owara eziguduli.

Yeremiya 24:9

Kineerewaatthattusa ello yawoopiha yoonanara wa mamwene mattheene a va ellapo yavatthi, ello yoovevuwa, yoohikhalla ni mutteko, yoottheyiwa ni yootembeleliwa orive weko kinaawiikarelleemiwo.

Yowele 1:13

Nyu allupa mukutho, warani eziguduli, nyu oorumeyella onikuwani, inllani, nyu oorumeyella a Mullukwaaka, ikhuneelleni ni eziguduli mahiiyu mattheene. Mikutho dda ddoocha ni dda ddoowirya khaddinavelleelliwa o enyumba ya Mulluku.

Yowele 1:8

Nyu athu, inllani wunchichi, wonanko namwalli awanre echiguduli ekaamba ya okhwa wa musombwe oyo apaalla omutthella.

Deuteronomo 28:37

Orive weko nko Apwiya enuupallalleselleniwawo, athu eneerekewuuttikhinani, eneerekewuuttheyani, eneerekewoopa mwaha mwawuunyemullani.