Masalimo 68:3 - Mawu a Mulluku

³ Koma nyu Mulluku athwaanyu ennahakallalla, ennathapella vamiitthoni vanyu, ddawoona, ennattheya moohakallalla.

Masalimo 68:3 Iomraidhean Croise

Masalimo 21:1

Apwiya, mwene annahakallalla kaambiiwa moomuvaha masiva, annathapella wunchichi kaambiiwa moomupambaniha.

Masalimo 32:11

Nyu athu oolungama, hakallallani ni othapella mwa Apwiya, nyu athu ooreera murima, khuwani moohakallalla.”

Masalimo 37:20

Koma athu oonanara eneerotthollowa, adani a Apwiya eneeronyaalla wonanko malluwa, eneerorimeella wonanko mwiisi.

Masalimo 43:4

Vano kineerooya o nikuwa na Mulluku, wa Mulluku oyo anakivaha ohakallalla wavaddullu, kineerewuutitimihani ni gitala, nyu Mullukwaaka, nyu Mullukwaaka.

Masalimo 58:10

Oolungama aneerohakallalla vawoonani ohokolloselliwa ddoonanara, aneerohuwa manyallwaaye mu nikhame na athu oonanara.

Masalimo 64:10

Oolungama ahakallalle mwa Apwiya, athawelle mwa alliwa, ooreera murima aatitimihe.

Masalimo 75:4

Kinnaalleella athu awiitukhulla wi, ‘Muhiinyarulleke.’ Kinnaalleella athu oonanara wi, ‘Muhiitukhulleke ekaamba ya masivaanyu.

Masalimo 97:12

Nyu oolungama hakallallani mwa Apwiya, thokozani nnddina niwa naweella.

Deuteronomo 12:12

Sika muneerohakallalla vamiitthoni viwa, nyuwaano, aniinyu aallopwana ni aatthiyana, allupa muttekwaanyu aallopwana ni aatthiyana ni Alevi ayo enakhalla variyari vanyu vawi khenna yoohallaniiwa.

1 Atesalonika 5:16

Hakallallani mallapo mattheene.

1 Petro 1:8

Munnamukonda naari muhimonne nave munnakhulupilila mwa yooyo naari vano muhimonne. Sika munnahakallalla wuullupalli ni murimaanyu muttheene,

Yawuupullulla 18:20

Hakallallani ooddullu nyu! Hakallallani athu a Mulluku ni amurummwa owaaka anamallotella nyu! Vawi Mulluku oomullaka va nnddo eerilleeye wa nyuwaano!

Yawuupullulla 19:7

Hankoni nihakallalle, hankoni nititimihe wunnuwa waye! Vawi enthawi ya machellello a okwati wa mwaanaankhosa aaphiya nave ootthelliwooyo ookhozekella khalle.