Masalimo 68:1 - Mawu a Mulluku

¹ Mulluku avenya adanaaye ennapallalleya, attheene enamwiita emmathawa vamiitthoni vaye.

Masalimo 68:1 Iomraidhean Croise

2 Epilli 6:41

Vano nyu Apwiya Mulluku, venyani, muwe onipuroni nanyu nawiithuuwellawo, nyuwaano ni nibokosi na masivaanyu. Nyu Apwiya, allupa mukuthwaanyu eware echilungamo athu oororomelleyaanyu ehakallallena ddaphaama ddanyu.

Masalimo 21:8

Aneerewaagonjiha adanaaye attheene, ni nnattanatta naye aneerewaaphara attheene awiitanana.

Masalimo 44:26

Venyani muwe munikavihere, noopolleni ekaamba ya echikondaanyu yoohisintheya.

Masalimo 59:11

Muhinawiiphella vaava, woova wi athwaaka enaatiwalle, koma mwaapallallese ni masivaanyu nave mwaakuhe, Nyu Apwiya, oonitetezaahu.

Masalimo 68:14

Mvo Amasiva Mattheene aapallallesilleeye mamwene, o Zalimoni waamora nakhuttu awoopiha.

Masalimo 68:30

Humullullani enama yawoopiha yookhalla mu epango, enduna ni athwiiwa, ayo enakhalla wonanko mulloko wa anankhoro a eng'ombe owaaka asaanaang'ombe. Anyingallelleni ayo enapaalla makobiri moonanara apallalleseni athu ookonda ekhoto.

Masalimo 89:10

Mwaamunyenya Rahabu wonanko mutembo, mwaahapallallesa adanaanyu ni muwonwaanyu wa masiva.

Eksodo 20:5

Ohinikokhorelleke nirive nifano apaalle onillapella kaambiiwa mi Apwiya Mullukwaawo kiri Mulluku eehache. Kinnaallaka anamwani ni edduullu ekaamba ya machimo a makhollwiiwa ophiyera mbado waneeraru ni waneesese wa ayo eniitana ni miyaano.

Yesaya 33:3

Vookhumihani mawaanyu wonanko ettari mitundu dda athu ddinnathawa nave vootthupulluwani ddinnapallalleya.

Ezekiele 5:2

Mallapwaawo awaapheella muzinda yamalla, okuse embali emodda mwa ddiraru ohelle munllo variyari va muzinda. Embali yaneepiilli oyiphaddephadde ni nsupada weetaka mwawaapheella muzinda muttheene. Embali yaneeraru oyimware wiiphevoni nave kineeroyithwara ni nsupada.

Daniele 2:35

Sika mukoko, olloko, mukuwa, siliva ni golide ddittheddene ddaanyenyeya vamodda. Nave ddaavavihiwa ni ephevo wonanko mallulla va nipuro nawuuputhella enthawi yoohata, oohihallavo erive ello. Koma nlluku nanyenyille nifanonno naatthattuwa mwaango muullupalli, oddalla ellapo yavatthi ettheene.

Numeri 10:35

Erive enthawi nibokosi na echipangano naatimullaka, Mose aanallota wi, “Nyu Apwiya venyani, mwaamware adanaanyu. Attheene awiitana ni nyuwaano ethawe vamiitthoni vanyu.”

Deuteronomo 7:10

Koma Mulluku aneerewaahokollosella ddoonanara voowoonongani attheene ayo eniitana ni olliye moohikayika.