Masalimo 61:7 - Mawu a Mulluku

⁷ Akhalle vampandonaaye woomwene vamiitthoni va Mulluku wa enthawi yoohimalla. Nyu Apwiya, echikondaanyu yoohisintheya ni ororomelleya wanyu ddimusunge.

Masalimo 61:7 Iomraidhean Croise

Genesis 24:27

Nave aallota wi, “Etitimihiwe Apwiya Mulluku a apwiyaaka Abrahamu, ayo esungalle moororomelleya lonjezo niwa wa apwiyaaka. Apwiya aakihoollella miyaano wa abale a apwiyaaka.”

Genesis 32:10

Miyaano ngiphwanenlle waakhella echikondi yoohisintheya ni echikhulupililo yoororomelleya mukoonihalleenyu mi oorumeyellaanyu. Kamullapuwalle Yordani kihinna erive ello koma kaarina ekopove koma vano kinahokollowa ni milloko miillinndda.

2 Samuele 7:26

Sika nnddina nanyu nineerotitimihiwa wa enthawi yoohimalla, ollota wi, ‘Apwiya Amasiva Mattheene tti Mulluku a Aisraele.’ Nave nibanja na oorumeyellaanyu Davide nineerokeraattheya vamiitthoni vanyu wa enthawi yoohimalla.”

Masalimo 21:5

Mwaamupambaniha wi ariiheye wuullupalli, mwaamweeriha wi akhalle ni olemu muullupalli.

Masalimo 40:11

Muhinakivenyihera echifundwaanyu, nyu Apwiya, echikondaanyu yoohisintheya ni ororomelleya wanyu ddinnakisunga.”

Masalimo 41:12

Nyuwaano munnakiseera ekaamba ya ohilakwa waka, munnakikeraatthiha vamiitthoni vanyu wa enthawi yoohimalla.

Masalimo 43:3

Rumihani owala wanyu ni yawoonaanyu wi ddikihoollelle, ddikiphiyihe omwaangonaanyu waweella, onipuroni wookhalla nyuwaano.

Masalimo 57:3

Mulluku aneerokaakhulla ari oddullu nave aneerokivullusa. Anaarewaagonjiha ookinyingallella, aneerokooniha echikondaaye yoohisintheya ni ororomelleya waye.

Miyambo 20:28

Echifundo ni ororomelleya ddinnamuteteza mwene nave omwenaaye onnallipa ekaamba ya echilungamo.

Mika 7:20

Muneerewooniha ororomelleya wanyu va Yakobo ni echikondaanyu yoohisintheya va Abrahamu monga mwallupenlleenyu khalle wa makhollwaahu.

Luka 1:33

Nave aneerolamulella Aisraele mallapo mattheene nave omwenaaye khomalla!”

Aheberi 9:24

Ella sika ekaambiiwa Khrisitu ahivollowilleeye mu nipuro noopatuleya noomakiwa ni athu nno niri echisanzo ya nipuro nawoona na mallapello. Koma ayiille oddullu nave vano ari wenko ni Mulluku onikavihera hiyaano