Masalimo 61:4 - Mawu a Mulluku

⁴ Kinapaalla kikhalle mpa mwanyu enthawi yoohimalla, Kinakhwella kiipitthe vatthi va muuphellwaanyu.

Masalimo 61:4 Iomraidhean Croise

Masalimo 15:1

Nyu Apwiya, ttaani anaawore okhalla mpa mwanyu? Ttaani anaawore okhalla vamwaangonaanyu waweella?

Masalimo 17:8

Mukipwathe wonanko niittho nanyu, mukikhupaarelle ni muuphellwaanyu,

Masalimo 23:6

Ddawoona, ddooreera ddanyu ni echikondaanyu yoohisintheya, ddinaakhalle ni miyaano okumaaka muttheene, kinaakhalleke mpa mwanyu wa enthawi yoohimalla.

Masalimo 27:4

Kinaveka ello emodda wa Apwiya, ello yoopaalleya wunchichi, yawi kikhalleke mu enyumba ya Apwiya, mallapo mattheene a okumaaka, wi kihakallalleke ni oreera murima wa Apwiya, wi kaallapelleke alliwa mu enyumbiiwa.

Masalimo 57:1

Mukeerelle echifundo, nyu Mulluku, mukeerelle echifundo, vawi kinnathawella wa nyuwaano. Kinnathawella vatthi va muuphellwaanyu ophiyera woononga oviralle.

Masalimo 61:7

Akhalle vampandonaaye woomwene vamiitthoni va Mulluku wa enthawi yoohimalla. Nyu Apwiya, echikondaanyu yoohisintheya ni ororomelleya wanyu ddimusunge.

Masalimo 62:7

Ovullusiwa ni oriihiwa waka ddiri wa Mulluku, nlluku naka namasiva, woothawella waka.

Masalimo 63:7

Nyuwaano mookhalla nikavihero naka, sika kiniipa moohakallalla vatthi va muuphellwaanyu.

Masalimo 90:1

Nyu Apwiya, tti mookhallamo mwahu va mibado ddittheddene.

Masalimo 91:1

Muthu ookhalla mu mpanda wa Amasiva Mattheene, oyo anakhalla m'muuthuuchinaaya,

Masalimo 91:4

Eneerewuukhuneella ni muuphellwiiwa, oneerophwanya moothawellamo m'muuphelloni, ororomelleya wiwa onnateteza wonanko echishango.

Masalimo 92:13

Tti wonanko miteekho ddawaalliwa mu enyumba ya Apwiya, ddoohakallalla m'mathatoni a Mullukwaahu.

Miyambo 18:10

Nnddina na Apwiya niri wonanko nttattha noollipa, oolungama annathamakella athawellamo.

Mateyu 23:37

“Yerusalemu, Yerusalemu! Athwaawo ennawiipha anamallotella nave ennaavokha malluku owiipha athu yarumihelliwiiwa ni Mulluku! Tti mallapo makavi kapanlleemi waakhupaarella athwaawo attheene wonanko mwanakhu anaakhupaarelleeye asaanaaye vatthi va muuphellwaaye koma nyuwaano khamwaapanlle!

Aheberi 6:18

Mwawi ddiidda vookhalla ddeko piilli nndda, ollupella ni olonjeza. Khaddisinthiwa nave ddinnooniha wi Mulluku khoottha. Sika wa hiyaano nathawenlle wa olliye naaphwanya ollipihiwa murima wuullupalli wi niphare moollipa etiyerello eyo ninaakhelleehu muhoollo.

Yawuupullulla 3:12

Athu enaapambanaayo kineeroweeriha wi ekhalle apoto a mu enyumba ya Mullukwaaka nave khevenyamo. Kineerolemba va alliwaayo nnddina na Mullukwaaka ni nnddina na muzinda wa Mullukwaaka, Yerusalemu anaanweene, oyo anawa akitthe vatthi ovenyera oddullu wa Mullukwaaka. Kineerolembattho va alliwaayo nnddina naka nanaanweene.

Rute 2:12

Apwiya yuuhokolloselle ddaphaama nnddo weerilleewe. Apwiya Mulluku a Aisraele yuuvahe emphaso yuullupalli vawi woowa wa alliwa wi yuuteteze.”