Masalimo 60:1 - Mawu a Mulluku

¹ Nyu Mulluku moonitathilla, moonoonongella ooniteteza, moonillutuwella, nihokolloselleni mwakhalle.

Masalimo 60:1 Iomraidhean Croise

2 Samuele 10:16

Hadadezere mweniiwa ahaaruma amithenga wi yaakuse Asiriya ayo yaari vakhopella va muhinje wa Yufurate. Nave yaaphiyana o Helamu ni Shobaki, akhoto muullupalli a Hadadezere.

2 Samuele 5:20

Sika Davide aaya o Baala Perazimu awanana ekhoto nave ahaagonjiha Afilistaayo. Vano aallota wi, “Mulluku ookiphariha mutteko wi kaagonjihe adanaaka wonanko maaddi eechigumula.” Sika ekaambiiwa nipuro nenne ninaromolliwa wi Baala Perazimu.

2 Samuele 8:14

Vano aatthipella misasa ddakhoto virive veko mu ellapo ya Edomu. Mu Edomu mutthemwene mwaakhalla misasa ddakhoto, sika Aedomu attheene yaakhalla oomurumeyella Davide. Vano Apwiya yaanampambaniha Davide orive weko ayeeyewo.

2 Samuele 8:3

Davide aamugonjihattho Hadadezere, mwaana a Rehobu, mwene a o Zoba, Davidooyo ayeeye omutundani wa muhinje wa Yufurate wi akeraatthihewo omwenaaye.

2 Mamwene 14:7

Vano Amaziya aawiiphattho Aedomu 10,000 o ntapo na Mwiinyu, aakha muzinda wa Shela nave aawuromolla nnddina nawi Yokitele nave nnddina niwa tti nenno ophiyera ollello.

1 Epilli 18:3

O Hamati Davide aamugonjihattho Hadadezere, mwene a o Zoba, ayeeye omutundani wa muhinje wa Yufurate wi akeraatthihewo omwenaaye.

1 Epilli 28:9

Nave we Solomoni mwanaka, omudduwelle Mulluku a attiitthaawo nave omurumeyelleke ni murima muttheene ni okumaawo muttheene. Vawi Apwiya ennadduwella murima, maganizo ni minkhella dda arive muthu. Wawaashaasha oneerewaaphwanya koma waareya etulli eneerowutathilla wa enthawi yoohimalla.

2 Epilli 25:11

Koma Amaziya aallipa murima, aahoollella akhotwaaye, aayaana o ntapo na Mwiinyu nko yawiiphalliiwa athu 10,000 a o Seiri.

Masalimo 108:11

Khemuhiyo nyu Mulluku oyo munitathillalle? Tti nyu Mulluku muhiyalle waavelleella akhotwaahu.

Masalimo 44:9

Komave nyuwaano moonikhoota nave mooniwulliha muru, khamwaathaananena akhotwaahu.

Masalimo 59:1

Nyu Mullukwaaka, kivulluseni wa adanaaka, kitetezeni wa athu ookiwukila.

Masalimo 59:11

Muhinawiiphella vaava, woova wi athwaaka enaatiwalle, koma mwaapallallese ni masivaanyu nave mwaakuhe, Nyu Apwiya, oonitetezaahu.

Masalimo 60:10

Khemuhiyo nyu Mulluku oyo munitathillalle? Tti nyu Mulluku muhiyalle waavelleella akhotwaahu.

Masalimo 74:1

Nyu Mulluku, kaambiiwa tini munanikhooteenyu wa enthawi yoohimalla? Kaambiiwa tini onanariwa wanyu onoosiiwa enkhosa woochihella enama wanyu?

Masalimo 79:5

Munaananariwe ophiyera niini, Nyu Apwiya, muneerosha murima wa enthawi yoohimalla? Ethiyo ehachaanyu eneerekokharave wonanko munllo?

Masalimo 79:9

Nyu Mulluku oonivullusaahu, nikavihereni wi nnddina nanyu nititimiheye. Nivulluseni nave nikhululukelleni machimwaahu wi nnddina nanyu niriiheye.

Masalimo 80:1

Nyu mbusa a Israele, ngiiwani nyu oyo munaahoollella athu a Yosefe wonanko mulloko wa enkhosa, nyu oyo munakhalla va akerubi* wonanko mpandwaanyu woomwene,

Masalimo 80:3

Nyu Mulluku, nihokolloselleni mwakhalle niwalihelleni ekhovaanyu wi nivulluwe.

Masalimo 85:4

Nyu Mulluku oonivullusaahu, munihokolloselle mwakhalle, munivenyihelle osha murima wanyu.

Masalimo 89:19

Khalle mwaallota oweella m'masomphenya wa athwaanyu oororomelleya wi, “Koomuwariha enduwira yoomwene muthu amasiva, koomuwelliha ootthoolliwa variyari va athu.

Masalimo 89:3

Moollota wi, “Koopangana ni ootthoolliwaaka, koollupella wa Davide oorumeyellaaka wi,

Masalimo 89:38

“Koma vano moomutatthilla ni omuruna oozoziwaanyu,* olliye moomushella murima.

Masalimo 89:7

Mulluku sika anooviwa m'mutthukumanoni wa aweella, sika awoopiha waakhwaranya attheene oomwaapheella.

Masalimo 90:13

Nyu Apwiya, hokollweellani wa hiyaano, munaananariwe ophiyera niini? Amorelleni ethakaraka oorumeyellaanyu.

Zekariya 10:6

“Nibanja na Yuda kineeronillipiha, edduullu dda Israele kineeroddaakiha. Athwaayo kineerewaahokollosella owaniwa kaambiiwa kooweerella echifundo. Sika enaakhalle wonanko ngaatathinlle vawi mi tti Apwiya Mullukwiiwa, kineerowaakhulla ddooveka ddiwa.

1 Samuele 13:11

Samuele aamukoha wi, “Ella weerilleewe tti tini?” Olliye ahaakhulla wi, “Koonilleemi wi athu enimapallalleya okihiya nave vawi khamwaaphiyalle enthawi mwallotilleenyu wi muneerophiya navettho wi Afilisti aatthukumana o Mikimashi,

1 Samuele 4:17

Olliye ahaakhulla wi, “Aisraele ahaathawa Afilisti nave athu awiiphiwa tti anchichi. Aniinyu eellaalle, Hofini ni Finehasi ahiiphiwa, nibokosi na echipangano na Apwiya nohaakhiwa.”