Masalimo 6:6 - Mawu a Mulluku

⁶ Kootopana wiipullella, erive mahiiyu kinnanaaniha yoohameella murwaaka ni miitthori. Kinnaddalliha maaddi vookona vaka ekaamba ya winlla waka.

Masalimo 6:6 Iomraidhean Croise

Yobu 10:1

Ddawoona, kinnavevulla okumaaka, sika kineerollota moottaphuwa ddookhupanya ddaka, kineerollota moovoreyiwa murima.

Yobu 16:20

Akhwaaka emmakinyindulla, miitthwaaka enarupa miitthori omwinllella Mulluku.

Yobu 23:2

“Ollellottho kinnakhupanya moomuvoriiha murima Mulluku, naari kiipullellaka annavirellellave okillaka.

Yobu 7:3

kinnahoowa enthawi ddittheddene, naari mahiiyu kinnoona ovoreya.

Masalimo 115:17

Ookhwa khenaatitimiha Apwiya ookitthella o ellapo yoomaalleya khenaariiha.

Masalimo 30:10

“Nyu Apwiya, kiiweni nave mukeerelle echifundo. Nyu Apwiya, mukhalle ookikaviheraaka.”

Masalimo 38:9

Nyu Apwiya munnadduwella ddittheddene kinapaalleemi, khehiyo wi winlla ni murima waka khoniiweya wa nyuwaano.

Masalimo 39:12

Nyu Apwiya iwani winlla waka, muheere ellapo tuu kaawinllellakani, miyaano tti mulleto oohillekella, awaarera wonanko makhollwaaka mattheene.

Masalimo 42:3

Winlla sika yoochaaka otthaana ni mahiiyu, athu ennakittheya voollotani wi, “Mullukwaawo ari wuuwi?”

Masalimo 69:3

Koofooka ni winlla waka, ommilloni waka wohumma, m'mwiitthoni mwaka mookhalla epiphi kinamutiyerelleemi Mullukwaaka.

Masalimo 88:11

Ethiyo echikondaanyu yoohisintheya ennayillalleya o mahame? Ethiyo ennatthopoolla dda ororomelleya wanyu onipuroni na woonongeya?

Masalimo 88:9

Miitthwaaka aawa epiphi ni ethakaraka, nyu Apwiya, kinninllella wa nyuwaano nllapo ni nllapo, kinnatukhullella mattaaka muddullu wa nyuwaano.

Yesaya 38:18

A o ellapo ya ookhwa khewora wuuthokozani, ookhwa khewora wuutitimihani, ookitthella mu mahame khewora wuuroromellani.

Yeremiya 14:17

Apwiya yaakilamula wi kaalleelle athu dda ethakaraka ddaka wi, “Miitthwaaka eneerovirellella omora miitthori otthaana ni mahiiyu vawi athwaaka ookondiwa aakhalla ni nikhwata nuullupalli, aaphoriihiwa moonanara.

Maliro 1:16

Ekaamba ya ddenndda kiniminlla, miitthwaaka ennamora miitthori, vawi ookikhurumusa murima khari vakhuviru, ookillipiha murima oorekamella. Athwaaka ehanlle weekhiiwa, vawi mudani oonigonjiha.

Maliro 1:2

Akhallelle winllave mahiiyu mattheene, maramaaye yoohapa miitthori. Mwa attheene ayo yamukonda, khaavo naari mmodda awi amukhurumuseke. Akhwaaye attheene khenaroromelleya, attheene aatthattuwa adanaaye.

Maliro 2:11

Miitthwaaka aatopa ni winlla, murimaaka woohoowa wunchichi. Murimaaka wooddalla ni ethakaraka, ekaamba yawi athwaaka ahoonongeya. Anamwani ni avanipelleniine enimangomowa m'misewuni dda m'mizindani.

Luka 7:38

Nave ahiimella vakhuviru ni manyallo a Yesu, aninlla nave aamba onaaniha manyallo a Yesu ni miitthori. Vano aapukuta manyallwaayo ni meehaaye nave ooniha olemu vookhupaarellani manyallwaayo nave aazoza makhura a nthuko naphaama.