Masalimo 6:2 - Mawu a Mulluku

² Apwiya keerelleni echifundo, vawi miyaano tti oofooka Apwiya kichiriheni, vawi makhuvaaka aheengereya.

Masalimo 6:2 Iomraidhean Croise

Genesis 20:17

Ekaamba ya Sara mwaara Abrahamu, Apwiya yaamumaka mwaara Abimeleki ni atthiyana attheene a munibanjani naye wi ehiyareke. Sika Abrahamu aamuvekella Abimeleki nave Mulluku aamuchiriha Abimelekooyo ni mwaariye vamoddattho ni awariye ang'onong'ono attheene wi yaayareke anamwani.

Yobu 19:21

Akhwaakanyu, keerelleni echifundo pepaani keerelleni echifundo, vawi nnatta na Mulluku nookillaka.

Yobu 5:18

Vawi annaphoriiha navettho annamaka makhwata. Annuukutha navettho mattaaye ennachiriha.

Masalimo 22:14

Okumaaka wootathiya wonanko maaddi, makhuvaaka mattheene aheengereya, murimaaka tti wonanko nimphora nittotthowille.

Masalimo 30:2

Apwiya Mullukwaaka, kahinlla wi mukikavihere nave mwaakichiriha.

Masalimo 31:10

Okumaaka onimallalla ekaamba ya ethakaraka, miyakha ddaka ddinimallallattho ekaamba ya winlla. Masivaaka aamalla ekaamba ya olakwa waka, makhuvaaka aallanddeya.

Masalimo 32:3

Kaariimi kihinawulule machimwaaka, mwiillaaka waari woofooka, ekaamba ya winlla nllapo nittheene.

Masalimo 38:2

Mipaamba ddanyu ddookihoma, nnatta nanyu nookiwatakanya.

Masalimo 38:3

Mwiillaaka khonna masiva ekaamba ya owallaanyu, makhuvaaka aavoriiwa ekaamba ya machimwaaka.

Masalimo 38:7

Mwiillaaka muttheene wooviha, virive veko vinnakivoreya.

Masalimo 51:8

Mukeerihe wi kihakallalle nave kittheye, naari mukipwesillepwesille makhuva, mukaakhullelle kihakallallettho.

Eksodo 15:26

Yaallota wi, “Mwaakiiwellellaka mi Apwiya Mullukwaanyu, muneera ddoolungama ni opwatha malamulwaaka ni wiiwellella nnddo kinuuhuddiheemini, nguullakani ni erive ereta eyo kaallakilleemina Aiguputo. Mi tti Apwiya ayo enuuchirihani.”

Yeremiya 10:24

Nyu Apwiya, kilangizeni mweechilungamo, muhikishelle murima wi mukoononge.

Yeremiya 17:14

Nyu Apwiya, kichiriheni nave ddawoona kineerochira. Kivulluseni nave ddawoona kineerovulluwa ddawoona. Nyu tti oyo kinamuthokozeemi!

Hoseya 6:1

“Hankoni nihokollweelle wa Apwiya, aanikhaddulla koma eneeronichiriha. Aaniphoriiha koma eneeromaka makhwataahu

Numeri 12:13

Vano Mose ahaalleella mookhuwa Apwiya wi, “Mulluku kinimuuvekani wi mumuchirihe Miriyamu.”

Mateyu 4:24

Epillaaye yaavuwa mu echigawo ettheene ya Siriya, sika athu yaamukusella athu attheene a ereta ddoohiyanahiyana ni oovoriiwa oohiyanahiyana, athu ookhalla ni minepa ddoonanara, a achillechille ni oorakalla nave olliye ahaachiriha attheene.

Deuteronomo 32:39

“Onani wi miyaano sika Mulluku mwaneena, nave khaavo mulluku mmodda. Kinniipha nave kinnavahattho okumi, kinnaphoriiha nave kinnachirihattho, khaavo oomuvullusa muthu m'mattani mwaka.