Masalimo 59:5 - Mawu a Mulluku

⁵ Nyu Apwiya Mulluku Amasiva Mattheene, Mulluku a Israele, venyani wi mwaallake athu attheene a mitundu ddimodda ddittheddene. Muhinamweerella echifundo arive muthu mwa athu oolleka ni eechiwembu.

Masalimo 59:5 Iomraidhean Croise

Genesis 33:20

Nave aamaka nikuwa vaavo, aniromolla wi Eli Elohe Israele, ottaphullella wi Mulluku tti Mulluku a Israele.

Masalimo 54:3

Athu eelleto aakiwukila, athu eekuku enaashaasha okumaaka, alliwa khenaganiza dda Mulluku.

Masalimo 55:15

Okhwa waamorelle moorurumusa, evuhelliwe mu mahame eri akumi vawi ddoonanara ddiwa ddooddalla m'murimani mwiwa ni mu enyumba mwiwa.

Masalimo 7:7

Mutthukumanihe mitundu ddittheddene moowaapheellani, muweeruze mukeraatthille vampandonaanyu oddullu.

Masalimo 80:4

Nyu Apwiya Mulluku Amasiva Mattheene, munaananariwelle mavekello a athwaanyu ophiyera niini?

Masalimo 84:8

Nyu Apwiya Mulluku Amasiva Mattheene, iwani nivekello naka, nyu Mulluku a Yakobo kireyeni naaru,

Masalimo 9:15

Athu a mitundu ddimodda aamorella mu nlliti nno yakatilliiwa weekhiiwa. Nnyallo niwa nohaanga mu nthavi nawiipittheya nno yareyilliiwa weekhiiwa.

Eksodo 20:5

Ohinikokhorelleke nirive nifano apaalle onillapella kaambiiwa mi Apwiya Mullukwaawo kiri Mulluku eehache. Kinnaallaka anamwani ni edduullu ekaamba ya machimo a makhollwiiwa ophiyera mbado waneeraru ni waneesese wa ayo eniitana ni miyaano.

Eksodo 3:15

Nave Mulluku aamulleellattho Mose wi, “Waalleelle Aisraele wi, ‘Apwiya Mulluku a makhollwaahu, Mulluku a Abrahamu, Mulluku a Isaki ni Mulluku a Yakobo sika akirumihalle wa nyuwaano.’ Nenna sika nnddina naka wa enthawi yoohimalla. Nenna sika nnddina nno ddinaakiromollellekiiwa mibado ddittheddene ddamuhoollo.

Yesaya 1:10

Vano nyu oolamulella a o Sodomu, iwani mawu a Apwiya. Nyu a o Gomora, apellani maaru nnddo Mullukwaahu anuuhuddiheeyeni.

Yesaya 27:11

Enthambi dda miteekho ddumma ennaddikotholla nave atthiyana ennadditota wi ddikhalle ekhuni. Athu yaalla tti oohiiwesesa. Sika oyo aaphatusalle khaamoriwella ethakaraka nave oyo aapangille khaweerella echifundo.

Yeremiya 18:23

Nyu Apwiya, munnadduwella eziwembu ddiwa ddittheddene ddoopaalla okiipha. Muhaakhululukelle ddoonanara ddiwa apaalle waavenyihellavo machimwiiwa. Egonjihiwe vamiitthoni vanyu nave mwaallake mu osha murima wanyu.”

Daniele 6:7

Attheenehi aweetiha omwene, oowehera, enduna, alangizi ni oolamulella attheene a mu ezigawo nohiiwanana wi nyu amwene mukeraatthihe lamulo namasiva wi athu attheene ethwareke. Mulamule wi va mallapo 30 vihiphwanyeye muthu ooveka ello wa arive mulluku apaalle wa arive muthu koma wa nyuwaanove.

Amosi 9:7

Apwiya enallota wi, “Nyu Aisraele, ethiyo khamuri wonanko Akushi wa miyaano?” “Ethiyo ngihiyo mi kaakhumihalle Aisraele o Iguputo? Ngihiyo mi kaakhumihalle Afilisti o Kafitori ni Asiriya o Kiri?

Aroma 9:6

Nginaaka wi lonjezo na Mulluku naalepheleya vawi khe Aisraele attheene eri athu a Mulluku.

Yakobo 2:13

Vawi muthu aweeruza moohikhalla ni echifundo nayeenettho Mulluku aneeromweeruza moohikhalla ni echifundo. Koma oyo ari ni echifundo khanoova echiweruzo ya Mulluku.