Masalimo 57:4 - Mawu a Mulluku

⁴ Kinakhalla variyari va athu oowalli ayo enakhalla wonanko mikango. Miinwiiwa tti wonanko mavaka ni mipaamba, nllumi niwa niri wonanko nsupada nawiisha.

Masalimo 57:4 Iomraidhean Croise

Yobu 41:14

Ttaani anaahulle owanoni wiwa wowaapheelliwa ni miino awoopiha?

Masalimo 10:9

Annawiipitthella wonanko mukango, anniipittha wi aaphare oohoowa wi aapurullelle munthavini mwaye.

Masalimo 35:17

Nyu Apwiya munaaweheke ophiyera niini? Kaakihereni wa athu oopaalla okoononga, muvulluse okumaaka o mikangonndda.

Masalimo 43:3

Rumihani owala wanyu ni yawoonaanyu wi ddikihoollelle, ddikiphiyihe omwaangonaanyu waweella, onipuroni wookhalla nyuwaano.

Masalimo 52:2

We awoottha onaganiza ddawoononga, nllumi nanyu tti wonanko mpeni wawiisha.

Masalimo 55:21

Mawaaye ennasalala wonanko batala komave m'murimani mwaye muri ekhoto. Mawaaye ennoollowa okhwaranya makhura komave aakhalla ni masupada awiisha.

Masalimo 58:6

Nyu Mulluku, khullani miino muwano mwiwa, nyu Apwiya, kaddani etwaatwara dda mikangonndda.

Masalimo 59:7

Ayo eri nko, ennatokollolla wunchichi, ennakhuwa mweepewe, kaambiiwa m'murimani mwiwa ennallota wi, “Ttaani ananiiwa.”

Masalimo 64:3

Alliwa ennaandusa nllumi niwa wonanko nsupada, ennavokha mawu oohoma wonanko mipaamba.

Miyambo 12:18

Ollota ddoonanara onnahoma wonanko nsupada koma nllumi na muthu eezeru ninnachiriha.

Miyambo 25:18

Muthu oyo anavelleella omboni wawoottha wa mukhwaaye tti wonanko ekoonda, nsupada apaalle mpaamba wootthokowa.

Miyambo 28:15

Wonanko mukango woothuruma ni echimbalangondo enapaalla ophara enama emoddamoddave yeeyo mwene oonanara annaalamulella oohoowa.

Miyambo 30:14

Vookhalla amodda miinwiiwa tti wonanko nsupada apaalle mpeni wi yaattakhune oohoowa waavenyiha va ellapo yavatthi, oopaneya variyari va akhwiiwa.

Yakobo 3:6

Sika nllumi niri wonanko munllo. Nllumittho nookhalla ni masiva oonanara, ninakhalla m'mwiillini mwahu ni oripiha mwiilli muttheene. Ninnakhariha munllo mookumaahu muttheene waambeella oyariwa ophiyera okhwa nave ninnavalla munllo o gehena.

Yawuupullulla 19:15

Nsupada nawiisha naanooneya nikhumellelle otte ovenyera muwano mwaye ni nenna aneerewaallakella athu a va ellapo yavatthi. Aneerewaalamulella ni ekopo ya mukoko nave aneerovota mpesa mu yoovotella ya osha murima wawoopiha wa Mulluku Amasiva Mattheene.

Oweeruza 9:20

Koma ddaarimi ddihiri ddiiddo, munllo okhume mwa Abimeleki waashellihe aneetthi attheene a o Shekemu ni athu a o enyumba ya Betemilo. Nave munllo okhume mwa aneetthi a o Shekemu navettho mwa athu a o Betemilo ni omushelliha Abimeleki.”