Masalimo 55:10 - Mawu a Mulluku

¹⁰ Otthaana ni mahiiyu alliwa ennaapheella mpandiiwa, m'muzindanimmo mookhalla echiwawa ni ekhoto.

Masalimo 55:10 Iomraidhean Croise

Ezekiele 9:4

Yaamulleella wi, “Khawe o muzinda muttheene wa Yerusalemu, wahiye echizindikiro va eyuuchi ya arive muthu oyo aninlla ni wiipullella ekaamba ya onanariwa ni ddoonanara ddineereya wenko.”

Mitteko 9:24

Koma aalleelliwa wi athu amodda anapaalla omwiipha. Otthaana ni mahiiyu yaanamutiyera vamillakoni dda muzinda wi emwiiphe.

Yohane 18:28

Vano osaka wene ohinase Ayuda yaamukusa Yesu ovenyera wa Kayafa emuyaana o nthato namillatu na Aroma. Ayuda kheyaavollowillemo munthatonimmo wi ehiripihiwe kaambiiwa yapaalla wi yachena yoocha ya Paska

Yohane 18:3

Vano Yudasi aakusa mulloko wa akhoto a o Roma ni oowehera enyumba ya Mulluku oorumihiwa ni allupa mukutho uullupalli ni Afarisi,* ayaana omatanko. Yaatukhulla enyali ni mitthiko ni ezida dda ekhoto.

Hoseya 7:6

Mirima ddiwa ddinnaviha wonanko ufuni ekaamba ya onanara wiwa. Mahiiyu mattheene owalliiwa onnathuwa. Nave ohinase onnakhara wonanko munllo.

Masalimo 59:6

Ennawa erive misikuwa yuuwaka wonanko anapwa, eneeteeta m'muzindani.

1 Samuele 19:11

Mahiiyu yaayo Saulo ahaaruma athu o enyumba ya Davide wi yamwiipitthelle wi emwiiphe ohinase. Koma Mikala aamulleella mamune Davide wi, “Mwaahithawa mahiiyu vaava osiisello munimiiphiwa.”

2 Samuele 15:31

Davide ahiiwa wi Ahitofele tti mmodda mwa athu oowukila ni Abishalomu. Vano Davide ahaamba ovekella, allotaka wi, “Mi kinimuuvekani Apwiya wi mutthattuse malangizo a Ahitofele wi ekhalle ookarangeya.”

Masalimo 58:3

Athu oonanara tti oohollowa waambeella eri m'murimani mwa ameewa, athu anamullota tti ootathiya waambeella nllapo na oyariwa wiwa.

Habakuku 1:3

Kaambiiwa tini munakooniheenyu ddookatamiha ddawi ddiidda? Kaambiiwa tini munoonellelleenyu ddoonanara? Virive veko kiriimi viri woonongeya ni ekhoto, owana ni okangana wuullupalli.