Masalimo 53:3 - Mawu a Mulluku

³ Koma athu attheene aahollowa, attheene aananara moophwanaphwana, khaavo naari mmodda aneera ddaphaama, khaavo naari ni mmoddeene.

Masalimo 53:3 Iomraidhean Croise

2 Samuele 20:2

Sika Aisraele attheene yaahiya omuthwara Davide, yaambeella omuthwara Sheba, mwaana a Bikiri. Koma athu Ayuda yaamuwanddeellella Davide, mweniiwa. Ovenyera o muhinje wa Yordani ophiya o Yerusalemu.

Yobu 15:16

Vawiidde muthu oonanara ni oochimwa, oowirya ddoonanara wonanko maaddi.

Masalimo 14:3

Koma athu attheene aahollowa, attheene aananara moophwanaphwana, khaavo naari mmodda aneera ddaphaama, khaavo naari ni mmoddeene.

Yesaya 53:6

Attheene naahollowa wonanko enkhosa, arive muthu mwa hi eetella ddaaye, koma Apwiya yaamureya olliye machimwaahu.

Yesaya 64:6

Attheene niri wonanko athu ooripihiwa nave naari mitteko ddahu ddittheddene ddaphaama ddiri wonanko ekuwo yooripihiwa. Attheene ninnanyaalla wonanko makattha, ninnahahareya ni machimwaahu wonanko ninakakhiwa ni ephevo.

Ezekiele 36:25

Kineerewuumiddani maaddi aphaama wi mweelle o ddittheddene ddawuuripihani. Navettho kineeroweellihani voovenyihani mafanwaanyu mattheene.

Zefaniya 1:6

Alliwaayo yahaareya etulli Apwiya ehinaathwarattho, ehinawaashaasha apaalle waaveka ezeru.

Aroma 3:12

Attheene aamureya Mulluku etulli, attheene aatthattuwa oohikhalla ni mutteko, khaavo aneera ddaphaama naari mmodda.

2 Akorinto 7:1

Akhwaaka ookondiwa, ddoolonjeza ddittheddenenndda ddaheeriwa wa hiyaano. Sika vano hankoni neellihe nnddo ddinaripiha mwiillaahu ni munepaahu nave hankonittho nikhalle aweella mu ddittheddene voomoovani Mulluku.

1 Yohane 2:29

Munnadduwella wi Khrisitu tti oolungama. Vano munaphwanella mudduwelle wi arive muthu ari oolungama ayariwe ni Mulluku.

3 Yohane 1:11

Mukhwaaka ookondiwa, ohittakihere eyo eri yoonanara koma ottakihere eyo eri yaphaama. Oyo aneera ddaphaama tti oovenyera wa Mulluku koma oyo aneera yoonanara khaamoonille Mulluku.

Yawuupullulla 22:11

Oyo ari oohilungama avirellelle okhalla oohilungama navettho oyo ari ooripihiwa avirellelle wiiripiha ni ddoonanara, oyo ari oolungama avirellelle okhalla oolungama ni oyo ari aweella wi avirellelle okhalla aweella.”