Masalimo 51:3 - Mawu a Mulluku

³ Ddoolakwa ddaka kinnaddidduwella, machimwaaka eri vamiitthoni vaka enthawi ettheene.

Masalimo 51:3 Iomraidhean Croise

Yobu 33:27

Vano muthooyo aneerewiipa wa amodda wi, Kaachimwa, ngeenre ddoolungama koma ngaahokolloselliwe moollikana ni mitteko ddaka.

Masalimo 32:5

Koma kaawulula machimwaaka, ngaavitthalle onanara waka. Kaallota wi, “Kineerowulula machimwaaka wa Apwiya,” vaavo mwaakhululuka mullatwaaka.

Masalimo 38:18

Kinnaakhullella machimwaaka, kinnakhupanya ekaamba ya onanara waka.

Masalimo 40:12

Kohaapheelliwa ni ddookatamiha ddooheerengeya, machimwaaka aakihuruwella sika ngiwora woona, tti manchichi okhwaranya meehi a m'muruni mwaka kootathilla murima wunchichi.

Masalimo 41:5

Adanaaka ennallota ddoonanara wa miyaano wi, “Ethiyo muthu yoolla anaakhwe niini wi atiwalleye?”

Miyambo 28:13

Muthu oovittha machimwaaye khakhalla ni ekari koma oowaakhullella ni waahiya aneereweerelliwa echifundo.

Yesaya 43:25

Miyaano, ddawoona miyaano, tti oyo anakhululukella machimwaawo ekaamba ya ntitimiho naka nguupuwellaka machimwaawo.

Yesaya 59:12

“Nyu Apwiya, nohuuchimwellani wunchichi vawi machimwaahu ennanivaanyiha, ddoolakwa ddiri va hiyaano nave ninnadduwella phaama.

Yeremiya 3:25

Vano nikonaathi moowulliwa muru nave ovevuwa wahu onikhuneelle. Vallethi hiyaano ni makhollwaahu nahaachimwella Apwiya Mullukwaahu, waambeella enamwanaahu ophiyera ollello. Khaniiwellenlle mawu a Apwiya Mullukwaahu.”