Masalimo 51:11 - Mawu a Mulluku

¹¹ Muhinakiikariha vamiitthoni vanyu, muhinavenyiha munepaanyu Waweella mwa miyaano.

Masalimo 51:11 Iomraidhean Croise

Genesis 4:14

Vano mookiikaravo va ellapo yavatthi vamoddattho ni vamiitthoni vanyu. Kinaakhalle aweeteeta shisha, oohikeraattheya nipuro nimodda nave arive muthu anaakiphwanye aneerokiipha.”

Genesis 6:3

Sika Apwiya yaallota wi, “Ngiwa kaakhullella wi muthu akhalleke ni okumi woohimalla vawi tti mwiilli wookhwa. Waambeella ollello okumaaye onaakomelleke miyakha 120.”

2 Samuele 7:15

Koma ngivenyiha echikondaaka yoohisintheya wa olliye wonanko kamuvenyihelleemi Saulo oyo kamukhootilleemi wi weyaano okhalle mwene.

2 Mamwene 13:23

Koma Apwiya yahaareerella murima ni oweerella echifundo Aisraele. Yahaakhurumuwella murima ekaamba ya echipangano eyo yakeraatthihalliiwa ni Abrahamu, Isaki ni Yakobo. Kheyaapanlle wi ewoononge apaalle waatiwalla athwiiwa ophiyera ollello.

2 Mamwene 23:27

Sika Apwiya yaallota wi, “Kineerewaavenyiha athu a o Yuda vamiitthoni vaka wonanko kaavenyihelleemi Aisraele attheene. Kineerowoononga muzinda wa Yerusalemu oyo kawutthoonlleemi ni enyumba eyo kallotilleemi wi, ‘Nnddina naka ninaakhalle mwemmo.’ ”

2 Mamwene 24:20

Ekaamba ya ddittheddene ddeereyille o Yerusalemu ni o Yuda, Apwiya yaasha murima wunchichi ophiyera owiikariha athwaayo vamiitthoni viwa. Vano Zedekiya aamuwukila mwene a o Babiloni.

Masalimo 43:2

Ddawoona, nyuwaano tti Mulluku woothawellawo waka. Mukitathillelle tini? Ethiyo kinaaweetelleke tini kinllaka ekaamba ya opaniwa ni mudanaaka?”

Masalimo 71:18

Nyu Mulluku, muhikihiye meekha, naari kuulluvanlle, kiri ni embwi ophiyera killalleyille dda masivaanyu ni dda ekophollo ddanyu wa mibado ddamuhoollo.

Masalimo 71:9

Muhikitathille enthawi ya wuulluvalla waka, muhikihiye meekha masivaaka yamalla.

Yeremiya 7:15

Kineerowiikarihani vamiitthoni vaka wonanko mmo kawiikarihelleemi abalaanyu attheene, edduullu ddittheddene dda Efuremu. Mi Apwiya koollota.”

Luka 11:13

Naari muri oonanara munnadduwella waavaha aniinyu ddeko ddaphaama. Vano Attiitthiihu ooddullu enaalephele mwawiidde waavaha Munepa Waweella ayo enamuveka olliye!”

Yohane 14:26

Ookavihera, Munepa Waweella, oyo Attiitthaaka enaamurumiiwa mu nnddina naka, aneerewuuhuddihani erive ello ni owuupusani ddeko ddittheddene kuulleelleemini.

Aroma 1:4

Moollikana ni Munepa Waweella, Mulluku aamutthoolla olliye ni masiva uullupalli wi akhalle mwanaye, Yesu Khrisitu, Apwiihu voomuvenyihani wa ookhwa.

Aroma 8:9

Koma nyuwaano khamunakhalla moollikana ni omuthwaanyu koma munakhalla moollikana ni Munepa, Munepa a Mulluku aari akhallaka mwa nyuwaano. Muthu oyo ahinna Munepa a Khrisitu khanakhalla a olliye.

Aefeso 4:30

Nave muhikhupanyiheke Munepa Waweella vawi Munepooyo tti echizindikiro yawi nyuwaano tti aaye a Mulluku, osimikiza wi nllapo nineerokwakhwana nawi Mulluku aneerewuuttaphullani.

2 Atesalonika 1:9

Yaayo eneerollakiwa ni woonongiwa woohimalla ni waamwallaniha vamiitthoni va Apwiya ni ntitimiho naye ni masivaaye,

Oweeruza 13:25

Vano munepa a Apwiya ahaamba omuvaha masiva akhalleeye omisasani dda Adani, variyari va Zora ni Eshitaoli.

Oweeruza 15:14

Samisoni aphiyalle o Lehi, Afilisti yaamuchingamella ekhuwaka. Enthawi yeeyo munepa a Apwiya aamukitthella mwamasiva nave aaphadda mikwe yamumakilliiwana miwono wonanko olusi wawunta. Ottotthowa omora m'mattani mwaye.

Oweeruza 16:20

Vatulli viwa Delila aakhuwa wi, “Nyu amamunaka, Afilistaalle enimawa.” Samisoni aavenya aganizaka wi, “Kineerokhuma wonanko mmo kineerelleemi erive enthawi nave kineerottaphuwa.” Koma khaadduwella wi Apwiya aamuhiya.

1 Samuele 10:10

Saulo ni mullupa muttekwaaye ephiyalle o Gibea, yaakumana ni mulloko wa anamallotella. Vano Munepa a Mulluku aamuvollowa Saulooyo, aamba ollotella.

1 Samuele 16:14

Enthawi yeeyo Munepa wa Apwiya waavenyamo mwa Saulo. Nave munepa woonanara, woovenyera wa Apwiya wahaamba omukatamiha.