Masalimo 5:9 - Mawu a Mulluku

⁹ Vawi muwano mwa adanaaka mooddalla ddawoottha. Murimiiwa onnapaalla woononga. Ommilloni wiwa tti wonanko mahame ookatakata, nllumi niwa ninnallota ddoolleka.

Masalimo 5:9 Iomraidhean Croise

Ezara 8:21

Vano o muhinje wa Ahava kaalamula wi nihalle ocha ni wiiyeviha vamiitthoni va Mullukwaahu ovekella wi anihoollelle va olendwaahu ni oniteteza hiyaano, aniihu ni katundwaahu.

Masalimo 27:11

Nyu Apwiya kihuddiheni ettilla ddanyu, kihoollelleni mu ettilla ddoosalala kaambiiwa kookhalla ni adani anchichi.

Masalimo 51:6

Ddawoona, munnaddivelliwa ni murima wawoona, sika mukihuddihe ezeru ddanyu.

Masalimo 52:2

We awoottha onaganiza ddawoononga, nllumi nanyu tti wonanko mpeni wawiisha.

Masalimo 62:4

Yoopaalliiwa tti yawi emukitthihe vamapuronaaye oolemu. Ennakonda ollota ddawoottha, ennadalisa ni muwano mwiwa koma m'murimani mwiwa ennatembelela.

Masalimo 62:9

Athu shisha tti mpweyave athu ootukhuwa tti awoottha, attheenaayo tti oohillemella vasikeloni ni oveveluwa okhwaranya mpweya.

Masalimo 64:6

Ennaganiza ddoonanara enallota wi, “Noopanga moochenjera echiwembwaahu.” Ddooganiza ni ddoopaalla murima wa muthu tti ddoowallamella.

Masalimo 69:19

Munnadduwella mmo athu enakivevullelliiwa, mmo enakiwullihelliiwa muru ni okivenyihella olemu, munnaadduwella adanaaka attheene.

Miyambo 29:5

Muthu anamulleka mukhwaaye mwawoollowa anamureya nikwekwe.

Yesaya 26:7

Nyu Apwiya, munnallima musewu wa oolungama, munnookolla ettilla ya ooreera murima.

Yeremiya 17:9

“Murima wa muthu tti woolleka okhwaranya ddeko ddittheddene. Tti woonanara moohichiriheya, ttaani anaawore owiiwesesa?

Yeremiya 4:14

We Yerusalemu, venyihamo ddoonanara m'murimani mwawommo wi ovulluwe. Ethiyo onaakhalleve ni maganizo oonanara ophiyera niini?

Mika 6:12

Athu eeyuuma tti eechiwawa. Athu attheene tti awoottha ni oolleka.

Luka 11:39

Vano Apwiya yaallota wi, “Nyu Afarisi, munnahuwa otte wa kapu ni embale koma muwari mwanyu muddanlle nrima ni ddoonanara.

Luka 11:44

Mookhalla ni otulli! Vawi muri wonanko mahame ootiwalliwa ayo athu enaanyingalliiwa moohidduwella.”

Aroma 3:13

Ommilloni wiwa tti wonanko mahame ookatakata, ennalleka ni mallumiiwa, ddoovenyera muwano mwiwa ddiri wonanko nttipwi na enowa.

1 Atesalonika 2:5

Munnadduwella phaama ddene wi khanaallotille mooreera muwano apaalle ovenyera m'maganizoni a nrima, mbonaahu tti Mulluku.