Masalimo 5:4 - Mawu a Mulluku

⁴ Nyu tti Mulluku oyo ahinahakallalla ni machimo. Khamunaakhullella ddoonanara vamiitthoni vanyu.

Masalimo 5:4 Iomraidhean Croise

1 Epilli 29:17

Nave kinnadduwella Mullukwaaka wi munneesa murima wa arive muthu nave munnahakallalla ni athu eechilungamo. Mu echilungamo ya murimaaka koovelleella ddittheddenenndda wa nyuwaano moohiwatiheriwa nave vano koowoona athwaanyu etthukumanille ovelleella wa nyuwaano mwa opaalla wiwa nave moohakallalla.

Masalimo 101:7

Aweera ddoolleka khakhalla mu enyumbaaka, oollota ddawoottha khakeraattheya vamiitthoni vaka.

Masalimo 11:5

Apwiya ennaweesa oolungama ni oonanara, enniitana ni oonanara, ooddivelliwa owukila.

Masalimo 140:13

Ddawoona, athu oolungama eneerewuutitimihani, eneerokhalla vamiitthoni vanyu.

Masalimo 50:21

Weyaano waheera ddeko ddenndda, miyaano kaamoona oweha, Waganiza wi kinnaphwanaphwana ni weyaano, koma vano kinnuuhumullulla ni owoonihella nnddo weerilleewe.

Masalimo 63:2

Vawi kinnapaalla woona masivaanyu ni ntitimiho nanyu wonanko mmo koonelleemi nipuro nanyu naweella.

Masalimo 88:14

Nyu Apwiya kaambiiwa tini munakitathilleenyu? Kaambiiwa tini mukiipitthihelleenyu ekhove?

Masalimo 92:15

ennooniha wi Apwiya tti oolungama. Alliwa tti nlluku naka mwa alliwa khamuri yookhoromana.

Masalimo 94:20

Ethiyo oolamulella oonanara ttuuwaattana ni nyuwaano, ayo enakhoromaniha malamulwaanyu?

Habakuku 1:13

Nyu a miittho aweella, oohittumera ello yoonanara apaalle yookatamiha. Munamuttumerella tini muthu oolleka? Muneerella tini ellapo tuu oonanara yaamumiryaka oolungama wamukhwaranya alliwa?

Malaki 2:17

Mohaatopiha Apwiya ni ddoollota ddanyu koma munakoha wi, “Naatopihalle mwawiidde?” Mwaatopihalle voollotani wi, “Arive muthu aneera yoonanara tti aphaama vamiitthoni va Apwiya nave alliwa ennahakallallana.” Apaallettho vookohani wi, “Ari wuuwi Mulluku eechilungamo?”

Yohane 14:23

Yesu aamwaakhulla wi, “Muthu akikonda miyaano aneerothwara mawaaka. Attiitthaaka eneeromukonda nave miyaano ni Attiitthaakaayo nineeroowa wa olliyooyo ni okhalla ni olliye.

Aheberi 12:14

Mweeseese okhalla mwamurendelle ni athu attheene. Mukhallekettho aweella murima vawi khaavo naari mmodda anaawoone Apwiya aahikhalla aweella murima.

2 Petro 3:13

Koma ninatiyera nnddo Apwiya yaanilonjezilliiwa, oddullu wanaanweene ni ellapo yavatthi yanaanweene, nko ori owaniwa wa echilungamo.

Yawuupullulla 21:23

Khewaapaalleyettho wi m'muzindanimmo mukhalle nndduwa apaalle mweeri wi ddimolleellekemo kaambiiwa ntitimiho na Mulluku sika owala nave mwaanaankhosa sika enyaaliiwa.

Yawuupullulla 21:27

Nave khamuwa muvollowa ello yooheellihiwa m'muzindanimmo naari muthu aweera ddoonanara apaalle oollota ddawoottha. Yaayove manddiniiwa elembiwe mu nibukhu na akumi na mwaanaankhosa sika enaavollowe m'muzindanimmo.