Masalimo 5:10 - Mawu a Mulluku

¹⁰ Mulluku, areyeni machimo va muru viwa, opangana wiwa woonanara waakuhe weekhiiwa. Mwaavenyihevo vamiitthoni vanyu, ekaamba ya machimwiiwa manchichi, vawi ennuuwukilani nyuwaano.

Masalimo 5:10 Iomraidhean Croise

2 Samuele 15:31

Davide ahiiwa wi Ahitofele tti mmodda mwa athu oowukila ni Abishalomu. Vano Davide ahaamba ovekella, allotaka wi, “Mi kinimuuvekani Apwiya wi mutthattuse malangizo a Ahitofele wi ekhalle ookarangeya.”

2 Samuele 17:14

Yiiwalliiwa ddenndda Abishalomu ni Aisraele attheene yaallota wi, “Malangizo aphaama tti alla a Hushai Mwarikoolla woohikhalla a Ahitofelaalle.” Ddaari ddiiddo kaambiiwa Apwiya sika yeerihalle wi malangizo aphaama a Ahitofele ekukureye, ddeko ddihimweetelle phaama Abishalomu.

2 Samuele 17:23

Ahitofele oonille wi athu khethwarihalle malonjezwaayaalle, aamuwella bulwaaye, aya omuzindanaaye. Vano aakhoza ddittheddene dda mpa mwaye, iimakellella, aakhwa nave aavitthiwa mu mahame a attiitthinnya.

2 Epilli 25:16

Alloteeye ddennddo mwene aamukoha wi, “Ethiyo we nahuutthoolla wi okhalle oomulangiza mwene? Maalleya! Kaambiiwa tini onapaalleewe wiiphiwa?” Nave namallotellooyo aamaalleya wa enthawi yooyeva nave aallota wi, “Koodduwella wi Mulluku ookhozeka wi awoonongeni ekaamba moheera ddenndda navettho khemwawiiwellelle malangizwaaka.”

Estere 7:10

Sika athwaayo yaamumakellella Hamani vamuteekhoni wawiimakellellavo oyo apotokosihalleeye wi amumakellellevo Mordekai. Vatulli viwa murima wa mwene waakeraattheya.

Masalimo 10:15

Onongani masiva a oonanara ni oochimwa, mullakeni va ddoonanara eerilleeyennddo, ophiyera wi ahaakullellettho.

Masalimo 107:11

Vawi yaawukila mawu a Mulluku, Yaavevulla malangizo a Amasiva Mattheene.

Masalimo 17:13

Nyu Apwiya venyani, mukumanena wi mwaagonjihe. Mukivulluse wa oonanaraalla ni nsupada nanyu.

Masalimo 31:18

Akhurumuseni athu attheene awoottha oollota mwawiitukhulla ni mowaavevulla athu oolungama.

Masalimo 35:26

Ayo enahakallalla ekaamba ya ddookatamiha ddaka, ewulliwe muru, epallalleye muru. Ayo eneeseesa wi ekipambane, ewulliwe muru, evevuwe.

Masalimo 55:15

Okhwa waamorelle moorurumusa, evuhelliwe mu mahame eri akumi vawi ddoonanara ddiwa ddooddalla m'murimani mwiwa ni mu enyumba mwiwa.

Masalimo 66:7

Annalamulella ni masivaaye wa enthawi yoohimalla, miitthwaaye ennoona mitundu dda athu, athu oowukila ehiitukhulle.

Masalimo 71:13

Athu ookivaanyiha ewulliwe muru nave yoonongeye, oowaashaasha ookivoreya evevulliwe, ewulliwesese muru.

Masalimo 79:12

Nyu Apwiya, ovevulla wulle athu yuuvevunlliiwani mwaahokolloselle otthanu ni opiilli.

Yesaya 1:2

Apwiya yaallota wi, “We oddullu, ngiiwa nave we ellapo yavatthi, apella maaru, mi Apwiya kinimallota. Kahaayara anamwani navettho kahaallella koma aakiwukila.

Yesaya 1:20

Koma mwakhoota nave mwawukila, muneerewiiphiwa ni nsupada. Mi Apwiya koollota.”

Yesaya 63:10

Komave athu yaawukila ni omoriha ethakaraka munepiiwa waweella. Sika Apwiya aatthattuwa mudaniiwa nave aawanana.

Maliro 1:5

Adanaaye aatthattuwa oomulamulella, awiitana ni olliye eri vaphaama, vawi Apwiya aamukakhella mu ddookatamiha ekaamba ya machimo manchichi a athwaaye. Anaaye aamuhiya, aakusiwa okaporo ni adani.

Daniele 9:5

Hiyaano noochimwa, noheera ddoonanara ni ddoolakwa. Nohuuwukilani voohiyani malamulwaanyu ni malangizwaanyu.

Daniele 9:9

Apwiya Mullukwaahu, muri eechifundo navettho ookhululukella naari nuuwukinleni.

Hoseya 9:7

Enthawi yoollakiwa yoophiya, mallapo oohokolloselliwa ddoonanara ahaamorella. Vano eneerodduwella wi ddenndda tti ddawoona. Enallota wi, “Namallotelloolla tti ookarangeya, muthu eezeru dda wa Mullukoolla tti mullupaanepa!” Eneera ddiiddo kaambiiwa ddoolakwa ddiwa tti ddawaata nave wiitanana wiwa tti wuullupalli.

1 Akorinto 3:19

Vawi eyo eneeriiwa ya ezeru va ellapo yavatthimva tti yoohikhalla ni ezeru vamiitthoni va Mulluku. Moollikana ni mawu a Mulluku awi, “Mulluku anaphariha mutteko ochenjera wa athu eezeru wonanko musampha vawaapharani alliwaayo,”

Deuteronomo 2:30

Koma mwene Sihoni olliyeve khaanaakhullenlle wi nivirelle mwiillaponi mwaye. Apwiya Mullukwaanyu yaamummiha nikohi nave amuvaha murima wawumma wi amuvelleelle m'mattani mwahu wonanko munoonellaanyu ollellova.

1 Samuele 25:29

Athu yuuwukilani enawaashaashani wi ewiipheni, Apwiya Mulluku eneerewuuvitthani wonanko muthu anavitthelleeye eyuuma. Koma okumi wa adanaanyu eneerowutathilla wonanko muthu anavokhelleeye nlluku ni yoovokhella malluku.

1 Samuele 25:39

Vano Davide iiwalle wi Nabala ookhwa aallota wi, “Etitimiheye Apwiya ayo emuhokolloselle yoonanara Nabala va epewe akeerelleeye nave wi yaakivaanyiha miyaano wi kiheere yoonanara. Apwiya aamuhokollosella Nabala mitteko ddaye ddoonanara.” Vano Davide ahaaruma athwaaye wi yamukohelle Abigaile nibanja wi akhalle mwaariye.