Masalimo 48:1 - Mawu a Mulluku

¹ Apwiya tti uullupalli, tti oophwanella waatitimiha wunchichi, m'muzindani mwiwa, vamwaangoni viwa vaweella.

Masalimo 48:1 Iomraidhean Croise

Nehemiya 9:5

Vano Alevi monga Yeshuwa, Kadimiyele, Bani, Hashabuneiya, Hodiya, Shebaniya ni Petahiya yaallota wi, “Ngavenyani naatitimihe Apwiya Mullukwaanyu enthawi ddittheddene. Nidalisiwe nnddina niwa nootitimiheya nno ninawellihiwa okhwaranya madaliso ni ollapella wutthewene.”

Masalimo 145:3

Apwiya tti uullupalli, oophwanella otitimihiwa wunchichi, wunnuwa wiwa tti wookatamiha owiiwesesa.

Masalimo 147:5

Apwiyaahu tti uullupalli, tti amasiva manchichi, ezeru ddiwa khaddinna vookomella.

Masalimo 2:6

Apwiya enallota wi, “Kaamutthoolla khalle mwenaaka, vamwaangoni waweella wa Ziyoni.”

Masalimo 30:1

Kineerewuutitimihani, nyu Apwiya, vawi mookikhumiha ovenyera moowallamella. Khamwaakhullenlle wi adanaaka ehakallallelle ohoosiwa waka.

Masalimo 42:1

Monga mmo epaalla enapaallelliiwa muhinje wa maaddi, tti mwemmo murimaaka onuupaallelliiwani, nyu Mullukwaaka.

Masalimo 46:1

Mulluku sika woothawella waka ni masivaaka, tti ookhozeka onikavihera va enthawi ya ddookatamiha.

Masalimo 46:4

Koma wookhalla muhinje oyo mitthipidda ddaye ddinahakallalliha muzinda wa Mulluku, nipuro nookhallawo Amasiva Mattheene.

Masalimo 47:8

Mulluku annalamulella mitundu ddittheddene dda athu, annakeraatthi va mpandwaaye woomwene waweella.

Masalimo 65:1

Nyu Mulluku, athu eneerekewuutitimihani o Ziyoni, ddawoona, eneereweera nnddo yallupenlliiwa wa nyuwaano.

Masalimo 78:68

Koma anithoollille nlloko na Yuda, mwaango wa Ziyoni oyo awukondeeye.

Masalimo 86:10

vawi nyuwaano tti muullupalli, munneera ddeko ddoottikhiniha, nyeeneve sika Mulluku.

Masalimo 87:1

Apwiya aakeraatthiha muzindiiwa vamwaangoni waweella.

Masalimo 87:3

We muzinda wa Mulluku, athu ennallota ddinchichi ddawuuriiha.

Masalimo 96:4

Apwiya tti uullupalli, tti oophwanella otitimihiwa wunchichi, owoova okhwaranya milluku ddittheddene.

Masalimo 99:9

Atitimiheni Apwiya Mullukwaahu, allapelleni o mwaangwiiwa waweella, Apwiya Mullukwaahu tti aweella.

Yesaya 27:13

Nllapo nenno nipallapata nuullupalli nineerewinlla owiithana Aisraele attheene ayo yaari wuukaporoni o Asiriya ni o Iguputo. Alliwa eneeroowa nave eneerewaallapella Apwiya va mwaangwiiwa waweella o Yerusalemu.

Yeremiya 31:23

Apwiya Amasiva Mattheene, Mulluku a Israele, anallota wi, “Kaahokollosellattho athu mu ellapwiiwa eneerollota mu ellapo ya Yuda ni omizinda ddiwa wi, ‘We nipuro neechilungamo, we mwaango waweella, Apwiya yuudalise.’ ”

Obadiya 1:17

“Koma va mwaango wa Ziyoni amodda eneerothawellawo nave onaakhalle nipuro naweella. Athu a Yakobo eneerokhalla ni ellapo wi ekhalle yoohallaniiwa

Mika 4:1

Va mallapo a muhoollo mwaango wa enyumba ya Apwiya oneerotthattusiwa woorekamesesa okhwaranya miyaango ddittheddene. Athu ddineerothamakella omwaangoninko,

Zekariya 8:3

Mi Apwiya Amasiva Mattheene kineerohokollweella o Ziyoni nave kinaakhalleke o Yerusalemu, muzindaaka waweella. Sika Yerusalemu aneeroromolliwa Muzinda Woororomelleya. Mwaango wa mi Apwiya Amasiva Mattheene oneeroromolliwa Mwaango Waweella.

Mateyu 24:15

“Vano muneerewoona ‘Yoonanara Yawoononga’ elle yaallotiwe ni Daniele namallotella yiimenlle mu nipuro noopatuleya.” (Oyo aneerenga mawaalla iiwesese ottaphullella wiwa.)

Aheberi 12:22

Koma nyuwaano moophiya o mwaango wa Ziyoni nave o Yerusalemu ooddullu, o muzinda wa Mulluku Ookumi, nko ori angelo anchichi enahakallalla.

Yawuupullulla 19:5

Nave mawu yaavenyera o mpando woomwene wooddullu oollota wi, “Aleluya! Oorumeyellaaye attheene a Mulluku ni athu attheene ayo enamoova olliye, uullupalli ni ang'onong'ono, emutitimihe!”

Yawuupullulla 21:2

Nave kahoona muzinda waweella, Yerusalemu anaanweene, akitthaka ovenyera oddullu, wa Mulluku, waari okhozekille wonanko mutthiyana ootthelliwa awarihiwe phaama wi akumane ni mamune.