Masalimo 47:5 - Mawu a Mulluku

⁵ Mulluku oowella, athu ennamukhuwella. Apwiya aawella, athu ennawiipella nipallapata.

Masalimo 47:5 Iomraidhean Croise

2 Samuele 6:15

Sika olliye ni Aisraele attheene yaawa ni nibokosi na echipangano na Apwiya ekhuwaka nave yiipaka mapallapata.

1 Epilli 15:24

Allupa mukutho, Shebaniya, Yoshafati, Natanele, Amasai, Zekariya, Benaya ni Eliyezere sika yaphwanella wiipa mapallapata vahoollo va nibokosi na echipangano na Mulluku. Obedi Edomu ni Yehiya alliwa yaarittho alonda a nibokosinno.

1 Epilli 15:28

Vano Aisraele attheene yaawaana nibokosi na echipangano na Apwiya ekhuwaka nave yiipaka eziitolilo, mapallapata ni misangwa. Nave yaaniipattho azeze ni magitala.

1 Epilli 16:42

Hemani ni Yedutuni yahoollella wiipa misangwa, mapallapata ni ezida ddimodda navettho ezida ddimodda ddawiipella machipo oollapella. Anamwani a Yedutuni yaahiyalle wi ekhalle alonda a va mullako.

Masalimo 150:3

Mutitimiheni voomwiipellani mapallapata, mutitimiheni voomwiipellani magitala ni azeze.

Masalimo 68:33

Apwiya ayo enawella m'miraponi, muddullu mwakhallekhalle iwani mawiiwa amasiva manchichi.

Masalimo 78:65

Voomallihella Apwiya yakhanlle wonanko enimavenya wene omakonello, wonanko muthu amasiva anakhuwa ekaamba ya vinyo.

Masalimo 81:3

Ipani nipallapata va wooneya wa mweeri, wooneya wamututha va nllapo na ehakallallo.

Masalimo 98:6

Khuwani vamiitthoni va mwene Apwiya, wiipelleni moollipihella ni mapallapata.

Ezekiele 20:6

Nllapo nenno kaallupella wa alliwa wi kineerewaakhumiha mu Iguputo oyaana o ellapo eyo kaavahilleemi, ellapo ya mukaka ni enwi, yooreera okhwaranya ellapo ddimodda.

Amosi 8:7

Apwiya Mulluku, ayo edduullu dda Yakobo enakotelliiwa aallupella wi, “Ddawoona ngiwa kitiwalla ddaweera ddiwa ddittheddene.

Malaki 2:3

Ngoonani, kineerollaka edduullu ddanyu nave kineerewuumarani owiitthoni mashi a eziweto dda mikutho dda ehakallallo ddanyu nave muneerowollelliwa nimodda.

Numeri 23:21

Kheyiivo yoonanara yooneyille mwa Yakobo, apaalle yookatamiha ephwanyeyille mwa Israele. Apwiya Mullukwiiwa ari ni alliwa, erina okhuwa wi olliye tti mweniiwa.

1 Akorinto 15:52

mu enthawi yooyeva, mwawaakuva wonanko ominyalla wa niittho nipallapata noomalliha noopiwa. Vano athu ookhwa eneerovenyihiwa ni mwiilli woohimalla, hiyaanottho nineerotthattusiwa.

1 Atesalonika 4:16

Vineerokhalla okhuwa ni mawu a muullupalli a angelo, owaaka mawu a nipallapata na Mulluku nave Apwiya weekhiiwa eneerokittha ovenyera oddullu. Nave ayo yakhwille emukhulupililaka Yesu eneerovenya mwawaambeellella.

1 Timoteo 3:16

Ndithu, ella tti yoovittheya yawoona yuullupalli ya echikhulupililwaahu yawi, “Yooyo ahuupullulliwa mu mwiilli wa muthu, Munepa aamweerella omboni wi olliye tti awoona. Nave ahooniwa ni angelo. Aallalleyiwa mwa athu a mitundu ddittheddene, aakhulupililiwa mu ellapo yavatthi ettheene, nave aawellihiwa oddullu mu ntitimiho.”

Yoswa 6:5

Vano yaawiipaka nipallapata na nnyaka nankhosa moohimaalliha ni mwamasiva nave athu yiiwa wiipa wa nipallapata, ekhuwe moollipiha nave esiri ya muzindooyo eneerokumuwa. Vaavo akhotwaawo attheene evollowa m'muzindanimmo.”

Yawuupullulla 11:15

Nave mungelo aneetthanu ni piilli ahoopa nipallapata naye. Nave kahiiwa mawu oowella ovenyera oddullu oollota wi, “Omwene wa ellapo yavattheella tti wa Apwiihu ni wa Mesiyaaye.* Nave Apwiihu eneerolamulella wa enthawi ddoohimalla!”