Masalimo 47:4 - Mawu a Mulluku

⁴ Yaanitthoollella ellapweella wi ekhalle yoohallanaahu, yaanivaha hiyaano athu a Yakobo ellapo yooreeresesa vawi yaanamukonda.

Masalimo 47:4 Iomraidhean Croise

Masalimo 136:22

Yaavelleella wi ekhalle yoohallana ya Israele, oorumeyelliiwa echikondiiwa yoohisintheya tti ya enthawi yoohimalla.

Masalimo 16:3

Naaka dda athu aweella murima, ayo eri vatthimva tti ooriiheya! Alliwaayo ennakihakallalliha.

Yesaya 60:15

Naari athu yuuhiyalle ni owiita weyaano, oohivirattho mwa weyaano, kineerowunnuwiha wa enthawi yoohimalla, onaakhalle nipuro na ehakallallo wa mibado ddittheddene.

Yeremiya 3:19

Apwiya enallota wi, “We Israele, ddeerokiddivella wuuhiya variyari va anaaka, wi kuuvahe ellapo yaphaama, yoohallana yooreeresesa okhwaranya ellapo ya mitundu ddimodda dda athu. Kapaalla wi mukeereke attiitthi, wi khamuwa mukihiyattho miyaano.

Ezekiele 20:6

Nllapo nenno kaallupella wa alliwa wi kineerewaakhumiha mu Iguputo oyaana o ellapo eyo kaavahilleemi, ellapo ya mukaka ni enwi, yooreera okhwaranya ellapo ddimodda.

Hoseya 14:4

Apwiya enallota wi. “Kineerochiriha ereetiiwa ya ohiroromelleya, kineerewaakonda ni murimaaka muttheene vawi koohiya waashella murima.

Amosi 6:8

Apwiya Mulluku aallupella mu nnddina niwa wi, “Koonanariwa ni ddawiitukhullana dda Aisraele, kinniitanana enyumba ddiwa dduullupalli. Kineerovelleella wa adaniiwa, muzindiiwa muullupalli ni ddittheddene ddiri mwemmo.”

Amosi 8:7

Apwiya Mulluku, ayo edduullu dda Yakobo enakotelliiwa aallupella wi, “Ddawoona ngiwa kitiwalla ddaweera ddiwa ddittheddene.

Nahumu 2:2

Vihanlle vang'ono wi Apwiya ehokollose ooriiheya wa Israele wonanko mmo wakhallelliiwa khalle, adani ehinaakhe ddeko ddittheddene ni woononga mipesa ddiwa.

Malaki 1:2

Apwiya enallota wa athwiiwa wi, “Kinnuukondani nyuwaano.” Koma alliwa yahaakhulla wi, “Ethiyo moonihalle echikondaanyu va hiyaano mwawiidde?” Apwiya yahaakhulla wi, “Esau ni Yakobo yaari muthu ni mwanamunne koma kamukondille Yakobo ni edduullu ddaye

Mateyu 25:34

Vano miyaano, mwene, kineerollota wa ayo a o nnattanatta wi, ‘Waani wuno nyu athu oodalisiwa ni Attiitthaaka! Waani mwaakhelle omwene oyo mwaakhozelliweenyu waambeella voophatuwani va ellapo yavatthi.

Aefeso 1:18

Kinaveka wi miitthwaanyu ehulleye wi moone owala wi mudduwelle yootiyera eyo awiithanelleeyeni nave waata wa madaliso ootitimiheya ayo athwaaye enaawaakhelliiwa,

Deuteronomo 11:12

Apwiya Mullukwaanyu sika enayipwatha ellapo yeeyo ni oyiwehera muyakha muttheene moohihiyerera.

Deuteronomo 33:3

Apwiya ennaakonda athwiiwa oopatuleyiiwa attheene eri m'mattani mwiwa. Athwaayo ekeraatthille vatthi, enahuddera mawiiwa,

1 Petro 1:4

Sika vano ninatiyera waakhella madaliso ayo Mulluku anaasungelleeye athwaaye. Anuusungellani nyuwaano oddullu, wenko khenuunta apaalle woonongeya apaalle omalla.