Masalimo 46:8 - Mawu a Mulluku

⁸ Waawoni moone mitteko dda Apwiya, mmo eneerelliiwa ddoottikhiniha va ellapo yavatthi.

Masalimo 46:8 Iomraidhean Croise

Masalimo 146:5

Oodalisiwa tti muthu oyo nikavihero naye ninavenyera wa Mulluku a Yakobo, oyo etiyerellwaaye eri va Apwiya Mullukwaaye,

Masalimo 59:10

Mullukwaaka aneerokichingamella kaambiiwa tti Mulluku a echikondi yoohisintheya. Mullukwaaka aneerokaakhullella wi kihakallalle, vawoonani adanaaka egonjille.

Masalimo 66:5

Waawoni moone nnddo Mulluku eerilleeye, mitteko ddaye ddoottikhiniha variyari va athu.

Eksodo 10:7

Enduna dda Farao ddaamukoha wi, “Ethiyo muthu yoolla anaahiye niini onihoosa mwawi ddiidda? Waakhullelleni athwaayo evenyewo wi eye yaallapelle Apwiya Mullukwiiwa. Ethiyo khemunoona wi vano ellapo ya Iguputo yoomalla woonongeya?”

Eksodo 12:30

Farao ni enduna ddaye ddittheddene ni Aiguputo attheene yaavenya variyari va mahiiyu nave mu ellapo ettheene ya Iguputo mwaakhalla winlla wuullupalli kaambiiwa khenaarivo nibanja nno nahaari ni mwaana ookhwa.

Yesaya 24:1

Ddawoona, Apwiya eneerewoononga ellapo yavatthi ni oyitthattusa echipululu nave eneeroyinyenyanyenya ni waamwara athu attheene.

Yesaya 61:4

Eneeromakattho matepe akhalle a muzinda, eneeroddiimesa enyumba ddawoonongeya. Eneeropotokosattho mizinda ddoopasuliwa navettho mapuro oohiyiwa waambeella khalle.

Yesaya 7:14

Ekaamba ya yeella Apwiya weekhiiwa eneerewuuvahani echizindikiro. Ngoonani, namwalli aneerokhalla ni erukullu nave aneeromuyara mwaana aamullopwana nave aneeromuvaha nnddina nawi Imanuwele.

Yesaya 8:10

Naari mwiiwanane koma mwiiwananooyo khophura ello. Mupanganelle ddaweera komave khaddiworeya vawi Mulluku ari ni hiyaano.

Numeri 14:9

Koma muhiwiinyullulle Apwiya. Muhinawoova athu a mwiillaponimmo vawi nineerewaagonjiha. Muhiwoove vawi alliwa khenna owaaseera nave Apwiya eri ni hiyaano.”

Numeri 23:23

Vawi khamuri okhwiri mwa Yakobo apaalle woombesa makhanga mwa Israele. Vano athu eneerollota dda Yakobo wi, ‘Ngoonani nnddo eerille Mulluku!’

Deuteronomo 20:1

“Mwaya woowana ekhoto ni adanaanyu nave moona wi magaretiiwa, akavalwiiwa ni akhotwiiwa tti anchichi wuukhwaranyani nyuwaano, muhiwoove. Apwiya Mullukwaanyu ayo yuuvullusalleni o Iguputo eneerokhalla ni nyuwaano.

Yoswa 11:20

Apwiya yaawummiha murima alliwaayo wi ellipane ni Aisraele wi vaweerani ddiiddo yoonongeye attheene. Nave wi yiiphiwe mooheerelliwa echifundo koma ewoononge moollikana ni mmo Apwiya yamulamulalliiwa Mose.