Masalimo 46:5 - Mawu a Mulluku

⁵ Mulluku ari muwari mwa muzindooyo khotikheya aneerowukavihera nndduwa nihinakhume.

Masalimo 46:5 Iomraidhean Croise

Masalimo 112:6

Vawi muthu oolungama khanatikheya naari vang'ono, khatiwalleya wa enthawi yoohimalla.

Masalimo 125:1

Athu ayo enaaroromella Apwiya tti oollipa wonanko mwaango wa Ziyoni, woohitikheya ni wookeraattheya wa enthawi yoohimalla.

Masalimo 143:8

Ohinase mukiiwihe dda echikondaanyu yoohisintheya, kaambiiwa kinnuuroromellani. Mukitthoonyihelle ettilla yawi keetemo, vawi kinnavelleella murimaaka wa nyuwaano.

Masalimo 30:5

Onanariwa wiwa tti wa enthawi yooyeva, oreera murima wiwa tti wa okumi muttheene. Naari miitthori ddimoraka mahiiyu mattheene, ohinase onnakhalla ohakallalla.

Masalimo 37:40

Apwiya ennaakavihera ni waavullusa, ennaavenyiha m'mattani mwa oonanara, vawi athwaayo aathawella wa alliwa.

Masalimo 62:2

Olliye yeekhaayeve sika nlluku naka, oovullusaaka ni woothawella waka, ngiwa kitikheya naari vang'ono.

Masalimo 62:6

Olliye yeekhaayeve sika nlluku naka, oovullusaaka ni woothawella waka, ngiwa kitikheya naari vang'ono.

Masalimo 68:18

Nyuwaano mwaawella oddullu, mwahaaphara athu anchichi monga amundende, mwahaakhella emphaso wa athu, naari wa athu oowukila, wi mwakhallekena wenko, nyu Apwiya Mulluku.

Eksodo 14:24

Vano ohinase, oyaaka ni osa, Apwiya yaariiwa mu opoto amurapo ni amunllo, enaaweha akhoto a Aiguputo nave enaaweeriha akhotwaayo wi epaneye.

Eksodo 14:27

Nave aatthoonyihella nnatta naye onyanjani nave oyaaka ni osa, maaddaayo yaari ehokollweellaka m'mapuroni mwiwa. Aiguputo yaheeseesa wi ethawe koma Apwiya yahaahokollosa ni waakakhella munyanjanimmo.

Yesaya 12:6

Nyu athu a o Ziyoni, khuwani ni wiipa moohakallalla vawi Aweella a Israele tti muullupalli variyari vanyu.”

Ezekiele 43:7

Aakilleella wi, “We mwaana a muthu, nipuro nenna tti na mpandwaaka woomwene mvo kinanyingallihaamivo manyallwaaka. Wuno sika kinaakhalleemi ni athwaaka Aisraele wa enthawi yoohimalla. Alliwa naari mamweniiwa khewa eripihattho nnddina naka naweella vooraruwani apaalle voovitthani mitembo dda mamweniiwa o mapuro oollapellawo.

Ezekiele 43:9

Vano ehiye oraruwa wiwa, voollapellani milluku ddimodda nave evenyihevo mitembo ddamamwene ddiwa ddihikaatamelle. Nave kineerokhalla ni alliwa wa enthawi yoohimalla.

Ezekiele 47:1

“Vano muthoolle aakikusella o mullako wa enyumba ya Apwiya. Kaamoona neetuutu akhumaka vatthi va mullako wa enyumba ya Apwiya wookhuma nndduwa vawi enyumbeeyo yaweha wookhuma nndduwa. Waaneeta maaddi vatthi va esiri ya omwera ya enyumba ya Apwiya, omwera wa nikuwa.

Hoseya 11:9

Nguullaka ni osha murima waka woowalli, ngimoonongattho Efuremu Mi tti Mulluku, ohikhalla muthu, miyaano aweella, kiri ni weyaano nave ngiwa kiwoononga.

Yowele 2:27

Vano Israele, oneerodduwella wi kiri variyari vawo, miyaano Apwiya tti Mullukwaawo khaavottho mmodda. Athwaaka khewa enyaambusiwattho.”

Zefaniya 3:15

Apwiya ahuuvenyihellani ollakiwa wanyu, aawiikarihellani adanaanyu. Apwiya, mwene a Israele, eri ni nyuwaano, khamuwa moovattho erive yoonanara.

Zekariya 2:5

Mi Apwiya kinallota wi, “Kineerokhalla mpanda wamunllo waapheella muzindooyo nave kinaakhalle mwemmo ni ntitimiho naka nittheene.”

Zekariya 8:3

Mi Apwiya Amasiva Mattheene kineerohokollweella o Ziyoni nave kinaakhalleke o Yerusalemu, muzindaaka waweella. Sika Yerusalemu aneeroromolliwa Muzinda Woororomelleya. Mwaango wa mi Apwiya Amasiva Mattheene oneeroromolliwa Mwaango Waweella.

Mateyu 18:20

Vawi eelli naari araru yawa etthukumana ekaamba yawi tti oohudderaaka, miyaano kiri wenko variyari viwa.”

Luka 18:8

Kinimuulleellani wi, aneerewaakuva oweeruzella millatu ddiwa wi ddiweetelle phaama. Koma ethiyo mi Mwaana a Muthu kaahokollowaka kineerophwanya echikhulupililo va ellapo yavatthi?”

Deuteronomo 23:14

Misasa ddanyu ddikhalleke ddaweella ekaamba yawi Apwiya Mullukwaanyu eneeta variyari va misasannddo wi yuutetezeni ni wuupambanihani wa adanaanyu. Sika m'misasani mwanyu mukhalleke mwaweella wi Apwiya ehoone erive ello yoonanara ni wuunyanyallani.”

Yawuupullulla 2:1

“Omulembelle oohoollella a mpingo wa o Efeso wi, “Alla sika mawu oovenyera wa oyo atukhunlle etheneeri dditthanu ni piilli mu nnattanatta mwaye nave aneeta variyari va ddoohiyavo enyali dditthanu ni piilli dda golide awi,