Masalimo 46:3 - Mawu a Mulluku

³ naari enyanja ddoopeke owalli ni okhuma niphoru, naari miyaango dditthukumelle ekaamba ya othuruma wa enyanja.

Masalimo 46:3 Iomraidhean Croise

1 Mamwene 19:11

Vaavo Apwiya yahaakhulla wi, “Khuma wiimelle vamiitthoni vaka, vamwaangoni.” Ngoonani, Apwiya yaaviravo nave ephevo yamasiva yahoopa etthalla miyaango ni opwesa malluku koma Apwiya kheyaarimo mwiiphevonimmo. Eviralle ephevo, vaamora echivomezi koma Apwiya kheyaarimottho mu echivomezimmo.

Yobu 38:11

Sika kaallota wi, “Ophiye mvo ohikhwaranyevo, enaakomelle vaava mafundaawo awiitukhullaayo.”

Masalimo 18:4

Mikwe dda okhwa ddookihuruwella, mihinje ddawoononga ddaakisefukella.

Yesaya 5:3

Sika vano ookondiwaaka anallota wi, “Nyu athu ookhalla o Yerusalemu ni o Yuda, kinuuvekani wi mweeruze variyari va miyaano ni emataaka yampesa.

Yesaya 54:10

Miyaango ttuususeya, asimiyaango ttuutikheya koma echikondaaka yoohisintheya va weyaano khewa emalla, Echipanganwaaka yamurendelle kineeroyisunga murendelle wa enthawi yoohimalla.” Apwiya ayo enaweerella echifundo sika enallota ddenndda.

Yeremiya 4:24

Kaaweha miyaango nave ddaanatikheya, asimiyaango yaanatthukumella.

Yeremiya 5:22

Mi Apwiya kinakoha wi, “Kaambiiwa tini muhinakooveenyu? Kaambiiwa tini muhinatthukumellaanyu vamiitthoni vaka? Mi sika kahiyalle mihava wi okhalle malire a enyanja, malire ayo enyanjeeyo khenawora waakhwaranya. Mafunde naari enyaruwe mwawiidde, khenawora okhwaranyavo. Naari enyakulle mwawiidde, khenawora okhwaranyavo.

Mika 1:4

Vano miyaango ddineerottotthowa vatthi va olliye wonanko onyoma vamunlloni, ddineneereweetellella mutapo wonanko maaddi a m'mwaangoni.

Nahumu 1:5

Miyaango ddinnatikheya vamiitthoni vaye, asimiyaango eneerottotthowa. Ellapo yavatthi ennatthukumella vamiitthoni viwa, ellapo ni ddittheddene ddookhalla mwemmo.

Mateyu 7:25

Nave murimu aarupa, mihinje ddaaddalla navettho ephevo yahoopa mwamasiva va enyumbeeyo koma kheyaakumuwalle kaambiiwa yaamakiwa vanllukuni.

Yawuupullulla 16:20

Ezilumba ddittheddene ni miyaango ddene ddaarimeella.

Yawuupullulla 17:15

Mungelooyo aallotattho wa miyaano wi, “Maaddi woonilleewe mvo vakeraatthille hulooyo, sika ellapo, malloko, mitundu dda athu ni ellotello dda athu.