Masalimo 45:3 - Mawu a Mulluku

³ Nyu amasiva, makellellani nsupada nanyu muyuununi, mu oriiheya wanyu ni ottekweenaanyu.

Masalimo 45:3 Iomraidhean Croise

Yobu 1:16

Ahinamallihe ollota, amithenga mmodda aaphiya ni mawu awi, “Munllo wa Mulluku waamora ovenyera oddullu nave wooshellelliha enkhosa ddittheddene ni abuseene. Nave meekhave sika kivulluwalle wi kuulleelleni.”

Masalimo 104:1

We murimaaka, atitimihe Apwiya! Nyu Apwiya Mullukwaaka, nyu tti muullupalli wunchichi, munnawara olemu ni omwene,

Masalimo 145:12

wi yaadduwellihe athu attheene dda mitteko ddanyu ddamasiva ni dda ntitimiho na omwenaanyu muullupalli.

Masalimo 145:5

Kineeroganizera dda ntitimiho nanyu, dda omwenaanyu muullupalli, dda mitteko ddanyu ddoottikhiniha.

Masalimo 21:5

Mwaamupambaniha wi ariiheye wuullupalli, mwaamweeriha wi akhalle ni olemu muullupalli.

Masalimo 21:7

Vallethi mwenooyo annaaroromella Apwiya khanatikheya ekaamba ya echikondi yoohisintheya ya Amasiva Mattheene.

Masalimo 96:6

Ntitimiho ni omwene ddiri vamiitthoni viwa, masiva ni oreera ddiri mpa mwiwa.

Nchipo na Solomoni 2:3

Wonanko mapulosi variyari va miteekho dda muutthakoni, sikattho ookondiwaaka variyari va asombwe. Kinnahakallallesesa vawiithuuwani va muuthuuchaaye, ddinnanang'aneya muwanommu ezipaso ddaye.

Nchipo na Solomoni 5:13

Maramaaye tti wonanko emata, ddawiima ddawunkhella. Eyano ddaye ddooreera wonanko maduvi, ddoonuna ni ddawiihella dda mure.*

Yesaya 49:2

Aakitthattusa vayanoni vaka wi vikhalle wonanko nsupada nawiisha. Aakiteteza ni nnatta niwa aakihana wonanko mpaamba wootthokowa, aakiipitthiha munigoneloni mwiwa.

Mitteko 10:36

Aarumiha othengaaye wa athu Israele, ollalleya othenga waphaama wa murendelle mwa Yesu Khrisitu. Yesu yoolla tti Apwiya a athu attheene.

Aroma 14:9

Vawi Khrisitu aakhwa avenyihiwa wi akhalle Apwiya a athu akumi ni a ookhwa.

Aheberi 1:3

Olliye sika owala wawoonihella ntitimiho na Mulluku nave tti oophwanaphwana ni Mulluku mwaneena. Navettho annavirellella osunga ddeko ddittheddene ni mawaaye amasiva. Amallihalle okhululukella machimo mattheene a athu, aakeraatthi oddullu onnattanatta na Mulluku amasiva.

Aheberi 4:12

Mawu a Mulluku tti ookumi ni amasiva, awiisha ohiyana ni nsupada noowiisha nngu ni nngu. Ennaphadda mutthemwene ophiyera munakumanella murima ni munepa naarittho munallundellellana makuttha ni makhura a m'makhuvani. Enneeruza nnddo athu enapaalliiwa ni oganiza m'murimani mwiwa.

Aheberi 8:1

Mwaha muttheene ninalloteehu tti wawi nookhalla ni mullupa mukutho muullupalli, oyo anakeraatthi onnattanatta na mpando woomwene wa Mulluku Amasiva Mattheene ooddullu.

Yuda 1:25

wa Mulluku mmoddave yooyo, Oovullusaahu mwa Yesu Khrisitu Apwiihu, okhalle ntitimiho, ottekweene, masiva ni olamulello ovenyera ehinaambe enthawi, ollello ni mallapo mattheene a muhoollo. Amen.

Yawuupullulla 1:16

Aatukhulla etheneeri dditthanu ni piilli o nnattanatta naye nave muwano mwaye mwaari nsupada nawiisha nngu ni nngu nookhumellella otte. Ekhovaaye yaari yoowala wonanko nndduwa na otthaana.

Yawuupullulla 19:15

Nsupada nawiisha naanooneya nikhumellelle otte ovenyera muwano mwaye ni nenna aneerewaallakella athu a va ellapo yavatthi. Aneerewaalamulella ni ekopo ya mukoko nave aneerovota mpesa mu yoovotella ya osha murima wawoopiha wa Mulluku Amasiva Mattheene.

Yawuupullulla 19:21

Akhotwiiwa yahiiphiwa ni nsupada noovenyera muwano mwa oyo awenlle va kavalo navettho epallame ddittheddene ddaacha mitembo dda athu attheenaayo.

Oweeruza 3:16

Vano Ehudi aahana nsupada naye nawiisha nngu ni nngu, noorekama masentimita 50. Nave aamakellella nsupadanno muwari mwa ddoowara ddaye vakasambarani a onnattanatta naye.