Masalimo 44:5 - Mawu a Mulluku

⁵ Ni nikavihero nanyu nahaagonjiha adanaahu, ni masivaanyu nahaanyingallella ooniwukila.

Masalimo 44:5 Iomraidhean Croise

1 Mamwene 22:11

Vano Zedekiya mwaana a Kenana ahiihanella manyaka amikoko allota wi, “Apwiya enallota wi, ‘Ni ddenndda muneerewaagonjihella Asiriya ophiyera yoonongeyille.’ ”

Masalimo 108:13

Mulluku akhalla ni hiyaano, nineerowana ekhoto moollipa murima vawi tti olliye anaawaanyingallelle adanaahu.

Masalimo 5:3

Apwiya, ohinase munniiwa mawaaka, nndduwa naakhumaka kinnavekella wa nyuwaano nave kinnatiyerella wi mukaakhulle.

Masalimo 60:12

Mulluku akhalla ni hiyaano nineerowana ekhoto moollipa murima vawi tti olliye anaawaanyingallelle adanaahu.”

Masalimo 91:13

Oneerekonyingalla mukango ni evilli, oneerekonyingallella mukango ni enowa.

Yesaya 33:22

Vawi Apwiya sika ooneeruzaahu, Apwiya sika oonilamulellaahu, Apwiya sika mwenaahu nave alliwa sika enaanivulluse.

Daniele 8:4

Kaamoona nankhoro a enkhosooyo akhuddullaka embali ya wookhuma nndduwa, yoompoto ni yoomwera. Khavaari enama emodda yoowora ollipanana nave khaarivo oowora waakiha ello wa olliye. Sika aaneera ddoopaalla ddaye ni wooniha masivaaye mwawiitukhulla.

Zekariya 10:5

Ayuda attheene vamodda enaakhalle wonanko akhoto amasiva awaanyingallella adani m'musewuni enthawi yakhoto. Eneerowana ekhoto ekaamba yawi Apwiya eri ni alliwa nave eneerewaagonjiha adani oowella va akavalo.

Aroma 16:20

Sika Mulluku oyo anavaha murendelle aneerewoononga veneva masiva a Satana nave aneeroweerihani wi mumulamulelle. Echisomo ya Apwiya Yesu Khrisitu ekhalle ni nyuwaano.

Deuteronomo 33:17

Yosefe ookhalla ni masiva wonanko nankhoro a eng'ombe, manyakaaye tti wonanko a enari, manyaka awiikarihella mitundu ddimodda, oddiikarihella woomallihella wa ellapo. Manyakaaye tti akhoto ooheerengeya a Efuremu, navettho akhoto anchichi a Manase.”

Afilipi 4:13

Kinneera ddeko ddittheddene oyeella mu masiva ayo Khrisitu akivahilleeye.