Masalimo 44:19 - Mawu a Mulluku

¹⁹ Komave nyuwaano mooninyenya, moonihiya variyari va akhatwe muhakani ni onihuruwella ni epiphi yawoopiha.

Masalimo 44:19 Iomraidhean Croise

Yobu 23:11

Koowanddeellella othwara manyallwaaye, koopharesesa oohihiya ettillaaye.

Yobu 3:5

Nikhalle nllapo na epiphi ni na muuthuuchi wawoopiha, nihuruwelliwe ni murapo woottikana, noopopihiwe ni erive ello yooripiha otthaana.

Yobu 30:29

Kootthattuwa mmbale a akhatwe, mukhwaaye a enthiwatiwa.

Masalimo 23:4

Naari keeteke mu ntapo na muuthuuchi wa okhwa kheyiivo yoonanara kinaayoovekeemi, vawi nyu Apwiya munnakhalla ni miyaano, ekoondaanyu ni ekopwaanyu ddinnakiteteza.

Masalimo 38:8

Kootopa nave koonyenyeya, kinniipullella ekaamba yookatamihiwa.

Masalimo 51:8

Mukeerihe wi kihakallalle nave kittheye, naari mukipwesillepwesille makhuva, mukaakhullelle kihakallallettho.

Yesaya 27:1

Nllapo nenno Apwiya enaapharihe mutteko nsupada niwa nawiisha, nuullupalli ni namasiva, omullaka Leviyatani,* enowa yoothawa, yoonyimphireya nave eneerewiiphattho enama yawoopiha ya mu enyanja.

Yesaya 35:7

Mihava ddooviha ddineerotthattuwa enyanja, ellapo yawumma eneerotthattuwa aneetuutu. Mvo vaari nipuro na akhatwe vineeromella manasi ni epango.

Yeremiya 14:17

Apwiya yaakilamula wi kaalleelle athu dda ethakaraka ddaka wi, “Miitthwaaka eneerovirellella omora miitthori otthaana ni mahiiyu vawi athwaaka ookondiwa aakhalla ni nikhwata nuullupalli, aaphoriihiwa moonanara.

Ezekiele 29:3

Omulleelle wi mi Apwiya Mulluku kinallota wi, ‘We mwene a o Iguputo kiri mudanaawo. Ori wonanko ekonya yookonaatthi m'muhinjeni voollotani wi muhinje wa Nailo tti waawo, wawuphatusalle tti weyaano.’

Mateyu 4:16

athwaawo ayo yaari mwiipiphini, ahoona owala wunchichi. Athu ayo yaari munipuroni na muuthuuchi wa okhwa, owala wohaaphiyera.”

Yawuupullulla 12:9

Enowa yuullupalleeyo yaavokhelliwa vatthi, enowa yakhalleeyo, nnddina niwa mdiyerekezi apaalle Satana, oyo allekille ellapo yavatthi ettheene. Aavokhelliwa vatthi vamodda ni angelwaaye attheene.

Yawuupullulla 13:2

Enama yuullupalli yawoopiheeyo yooneya wonanko nanthavi, manyallwaaye yooneya wonanko echimbalangondo navettho eyanwiiwa yooneya wonanko ya mukango. Enowa yuullupalleeyo yaavaha enama yuullupalli yawoopiheeyo masivaaye, mpandwaaye woomwene, owaakattho olamulellwaaye wuullupalli.

Yawuupullulla 16:10

Nave mungelo aneetthanu aahella embalaaye o mpando woomwene wa enama yuullupalli yawoopiha. Vano epiphi yaawa virive veko vaphiyalle omwenaaye. Nave athu yaaniilluma mallumiiwa ekaamba ya ovoreya yiiweewanko.