Masalimo 44:15 - Mawu a Mulluku

¹⁵ Nllapo nittheene kinnawulliwa muru, ekhovaaka yoomora ekaamba yeeyo,

Masalimo 44:15 Iomraidhean Croise

1 Mamwene 9:7

sika kineerewaavenyihamo Aisraelaayo mu ellapo kaavahilleemi. Nave enyumba eyo kayipatulalleemi wi nnddina naka nillapellelliwekemo kineeroyikhoota nave kineeromutthattusa Israele ello yoottheyiha ni yoonyemulliwa variyari va athu attheene.

2 Epilli 32:21

Vano Apwiya yaamuruma mungelo nave aawiipha akhoto attheene amasiva ni oohoollella a o misasa dda mwene a o Asiriya. Sika aahokollweella owaniwa ari oowulliwa muru. Vano avollowille mu enyumba ya mullukwaaye, anaaye amodda yaamwiipha ni nsupada.

Ezara 9:6

killota wi, “Nyu Mullukwaaka, koowulliwa muru nave nginawora otukhullella ekhovaaka wa nyuwaano Mullukwaaka vawi machimwaahu aawella muddullu okhwaranya miru ddahu nave olakwa wahu woowella ophiyera oddullu.

Yobu 17:6

Ookitthattusa yoottheyiwa ni athu, ookoona ennakittapha.

Masalimo 69:7

Vawi koovevulliwa, ekhovaaka yoowulliwa muru ekaamba ya nyuwaano.

Masalimo 71:13

Athu ookivaanyiha ewulliwe muru nave yoonongeye, oowaashaasha ookivoreya evevulliwe, ewulliwesese muru.

Masalimo 89:45

Moomuulluvalliha mwawaakuva, moomuhuruwella ni owulliha muru.”

Yeremiya 3:25

Vano nikonaathi moowulliwa muru nave ovevuwa wahu onikhuneelle. Vallethi hiyaano ni makhollwaahu nahaachimwella Apwiya Mullukwaahu, waambeella enamwanaahu ophiyera ollello. Khaniiwellenlle mawu a Apwiya Mullukwaahu.”

Yeremiya 51:51

Nyu munallota wi, ‘Ninawulliwa muru ekaamba ya ovevulliwa nko nikumanneehuna. Ekhove ddahu ddoomora ekaamba ya athu eelleto yoovollowa o mapuro oopatuleya o enyumba ya Apwiya.’

Maliro 2:15

Attheene oovira m'musewuni ennoopa matta mwawuunyindulla. Ennuuttheya ni wuupukusella muru, we mwaana aamutthiyana, Yerusalemu. Alliwa enallota wi, “Ethiyo muzindoolla tti olle khalle weeriwa woodalesesa, muzinda woohakallalliha ellapo yavatthi ettheene?”