Masalimo 44:11 - Mawu a Mulluku

¹¹ Nyuwaano moonitthattusa enkhosa ddooya wowiiphiwa, moonipallallesa variyari va mitundu ddimodda athu.

Masalimo 44:11 Iomraidhean Croise

2 Mamwene 17:6

M'muyakha waneetthanu ni sese wa omwene wa Hoseya, mwene a o Asiriya aamugonjiha Samariya nave ahaaphara Aisraele aayaana wuukaporoni o Asiriya. Ahaahiya athu amodda mu muzinda wa Hala, amodda vakhuviru ni muhinje wa Habori mu echigawo ya Gozani nave amoddattho mu mizindani dda Amedi.

Masalimo 106:27

eneeroddimwara edduullu ddiwa variyari va mitundu ddimodda ni oddipallallesella mu ellapo ddeelleto.

Masalimo 14:4

Ethiyo oonanaraalla kheniiwesesa? Ennaamirya athwaaka wonanko yoocha, khenaallapella Apwiya.

Masalimo 60:1

Nyu Mulluku moonitathilla, moonoonongella ooniteteza, moonillutuwella, nihokolloselleni mwakhalle.

Yeremiya 12:3

Koma Apwiya munnakidduwella, munnakiweha nave munneesa murimaaka wi moone kaarimi kuukondakani. Mwaapurulle athu oonanara wonanko enkhosa ddookuselliwa wawiiphiwa, mwaahiye vakhwipi ophiyera nllapo nawi yiiphiwe.

Yeremiya 32:37

“Mi kineerewaatthukumaniha athwaalla ovenyera o ellapo ddittheddene kawiikarelleemiwo kishille murima navettho kinanariwalle wunchichi. Kineerewaahokollosellattho o nipuro nenna nave eneerokhalla wuno ni murendelle muttheene.

Ezekiele 34:12

Mmo mbusa anaashaashelleeye enkhosa ddaye ddapallalleyella wuuteete, miyaanottho kineereweera emoddamoddave yeeyo. Kineeroddivullusa orive weko nko ddapallalleyelliiwawo va enthawi ya epiphi ni ya ethapo.

Luka 21:24

Amodda a yaayo eneerewiiphiwa ni masupada, amodda a yaayo eneerophariwa okaporo oya ellapo ddinchichi ddoohiyanahiyana. Nave Yerusalemu aneerewoonongiwa ni athu oohimullapella Mulluku ophiyera enthawiiwa emanlle.

Aroma 8:36

Mawu a Mulluku eni, “Mallapo mattheene ninnoopopihiwa wi niiphiwe ekaamba ya nyuwaano, nineesiwa wonanko enkhosa ddinaya wawiiphiwa.”

Deuteronomo 28:64

Nave Apwiya eneerewuupallallesani variyari va mitundu ddittheddene ovenyera woomallihella omodda wa ellapo yavatthi ophiyera woomallihella omoddattho. Wenko munaarumeyelleke milluku ddimodda, ddamiteekho ni ddamalluku, nnddo nyuwaano ni makhollwaanyu mwahiddidduwenlleenyu waambeella khalle.

Deuteronomo 4:27

Apwiya eneerewuumwarani variyari va mitundu ddimodda nave aweerengeyave mwa nyuwaano sika enaahalle variyari va mitundu ddimodda nko Apwiya enaawiikarelleniiwawo.

Oweeruza 2:14

Sika Apwiya yahaashella murima Aisraelaayo nave yahaavelleella m'mattani mwa athu awaakha ddeko ayo yawaakhille ddeko ddiwa. Nave Apwiya yaawaakhullella adaniiwa ayo yawaaphenlle wi yaagonjihe. Vano kheyaawonre waagonjiha adaniiwa.