Masalimo 42:4 - Mawu a Mulluku

⁴ Murimaaka onnavoreya kaawuupuwellaka mmo keetelleemi ni athu anchichi, vawaahoollellani o enyumba ya Mulluku, athu anchichi ekhuwaka moohakallalla, yiipaka machipo oothokoza, yeeraka ehakallallo.

Masalimo 42:4 Iomraidhean Croise

2 Mamwene 18:30

Muhaakhullelle wi Hezekiya awoottottheni vawuulleellani wi muroromelle wi Apwiya eneerewuuvullusani nave wi mi mwene a o Asiriya ngiwaakha muzindaanyu.

2 Mamwene 18:32

Muneereke ddiiddo ophiyera mwene uukusalleni oya o ellapo yoophwanaphwana ni yawinyweella, ellapo ya tirigu ni vinyo, ya buledi ni emata ddampesa, ya miteekho dda olivi ni enwi wi wenko mwakhalle ni okumi, oohikhwa. Sika nyu, muchenjere Hezekiya ahuukarangeyiheni vawuulleellani wi Apwiya eneerewuuvullusani.

2 Epilli 7:10

Va nllapo na 23 na mweeri waneetthanu ni piilli Solomoni ahaarumiha athwaayo owaniwa eri oohakallalla m'murimani mwiwa ekaamba ya ddaphaama ddittheddene nnddo Apwiya yamweerelliiwa Davide oorumeyelliiwa ni athwiiwa Aisraele.

Yobu 29:2

“Ha, waphaama kahokollweelleke mwakhalle, mallapo ayo Mulluku akiwehereeye,

Masalimo 100:4

Vollowani va millako ddiwa mwaathokozaka, khaweni m'mathatoni mwiwa mwaatitimihaka, athokozeni Apwiya, titimihani nnddina niwa.

Masalimo 102:10

ekaamba ya owallaanyu ni osha murima wanyu vawi nyuwaano mookitukhulla mukitathilla.

Masalimo 115:2

Kaambiiwa tini mitundu ddimodda ddinaallotekiiwa wi “Mullukwiiwa ari wuuwi?”

Masalimo 122:1

Kaahakallalla yakilleelliiwa wi, “Hankoni o enyumba ya Apwiya.”

Masalimo 122:8

Ekaamba ya abalaaka ni akhwaaka kineerollota wi, “Murendelle okhalle muwari mwawo.”

Masalimo 55:14

Naanakambirana phaama niri eelli, naanallapella nimodda mu enyumba ya Mulluku.

Masalimo 62:8

Nyu athu, hiyani murimaanyu va olliye enthawi ettheene, mumulleelle ddittheddene dda m'murimani mwanyu. Mulluku sika woothawella wahu.

Masalimo 79:10

Kaambiiwa tini athu a mitundu ddimodda enallotiiwa wi, “Ethiyo Mullukwiiwa ari wuuwi?” Mwaakhullelle wi niwooneni mwaawaahokollosellaka yoonanara, ekaamba yowaakhumiha nikhame oorumeyellaanyu.

Masalimo 80:6

Moonitthattusa ello yoovevuwa wa mitundu ddoonaapheella, adanaahu yakhalla vamodda ennanittheya.

Yesaya 30:29

Koma muneerohakallalla ni wiipa wonanko muneerelleenyu mahiiyu va ehakallallo yoopatuleya. Muneerohakallalla wonanko athu eneeta yiipaka nipallapata o mwaango wa Apwiya, nlluku na Israele.

Maliro 2:19

Venyani nave moope ekutho variyaririyari va mahiiyu, llotani ddoonikohini ddanyu ddittheddene vamiitthoni va Apwiya. Tukhullellani matta muddullu ni ovekella wa Apwiyaayo, ekaamba ya okumi wa aniinyu ayo enangomowa ni ettalla m'misewuni ddittheddene.

Maliro 4:1

Ha! Golidaahu oowa murawa, golidaahu aphaama ootthattuwa. Malluku a o nipuro naweella aamwareya, aapallalleyella o makhullukana mattheene a misewu.

Ezekiele 46:10

Vano mwene athaananekena. Avolloweke ni athwaayo yaavollowaka nave akhumeke yaakhumaka.

Yowele 2:17

Allupa mukutho enaarumeyella Apwiya yinlleke variyari va nikhote na apoto ni nikuwa na mukutho. Elloteke wi, “Nyu Apwiya, weerelleni echifundo athwaanyu, muhaakhullelle wi mitundu ddimodda ddinyaambuseke ni ovevulla yoohallanaanyu voollotani wi, ‘Ari wuuwi Mullukwaanyu?’ ”

Nahumu 1:15

Ngoona, omwaangoni onawa oollalleya othenga waphaama, anatthopoolla dda murendelle. Nyu a o Yuda musungeke mallapo eehakallallo, mweereke nnddo mwallupenlleenyu. Oonanara khewa yuuhellakanittho ekhoto vawi eneerotthollosiwa.

Luka 16:25

“Koma Abrahamu aallota wi, ‘Mukhwaaka, upuwella wi waavahiwa ddeko ddaphaama mu okumaawo, mvo Lazaro aariiye ni ddeko ddoonanara. Vano olliye animahakallalla wuno koma weyaano onimahoowa.

Deuteronomo 16:11

Sika muneerohakallalla vamiitthoni viwa, nyuwaano, aniinyu aallopwana ni aatthiyana, allupa muttekwaanyu aallopwana ni aatthiyana ni Alevi ayo munakhalleenyuna m'muzi mwanyu, alleto, akhwaadduni ni anaamukhwelle ayo enakhalla variyari vanyu.

Rute 1:21

Kayiillewo kiri ni ddeko ddinchichi koma Apwiya aakihokollosa kihinna ello. Sika vano munakiromollella tini wi Naomi, Apwiya Mulluku Muullupalli ekiwukilalle nave ekihoosille?”